Lospalos RCL VP Kuarta 24/01/2024 = Relasiona Profesor Kontratadu ne`ebe Ministériu Edukasaun Hapara sira nia Kontratu , Prosesu Ensinu Aprendijajen iha Eskola Ensinu Báziku Çentral (EBC) Sentru Lospalos labele La`o ho Efétivu , nune`e sei Préjudika ba Materia Ejame Primeiru Periodu nian iha tinan ida ne`e.
Diretór EBC Sentru Lospalos Ernéstu dos Santos ba Jornalista RCL iha nia Knaár fatin Quarta feira ne`e hateten , Profesor Kontratadu iha Eskola ne`ebe nia Xéfia ne`e Hamutuk Na`in Sanolu resin Rua (12) Kompostu Husi Profesor Na`in 6 Kontratu husi Inan aman liu husi Kontribuisaun no Na`in 6 Seluk Hetan Kontratu Direita husi Ministériu , hapara ona Servisu , Bazea ba Despaisu no Sirkular Ministériu Edukasaun nian , ho Nune`e Prosesu Ensinu Aprendijajen la La`o Normal ona , tamba Manorin hahu Menus.
‘’Iha Eskola ida ne`e , Hau nia Manorin Hamutuk Na`in 12 Kompostu husi Na`in 6 Kontratu husi Inan Aman liu husi Kontribuisaun Osan , no Na`in 6 seluk Hetan kontratu Direitamente husi Ministériu Edukasaun , tamba Despaisu no Sirkular ne`ebe Bandu Eskola sira atu halo Kombransa no husu Kontribuisaun Inan aman nian , nune`e sira na`in 12 ne`e Para Ona , tamba Inan aman mos hapara ona sira nia Kontribuisaun no Ministériu rasik mós hapara ona Kontratu ba Sira , ho Nuneé Prosesu aprendijajen iha Escola ida ne`e la lao ho Efétivu ,tamba iha tinan kotuk , liu husi kontribuisaun inan aman no profesores kontratadu Prosesu Aprendijajen lao nafatin ,maibe tinan ida ne’e Alunus sira ne`ebe ,sei hasoru izame Periodu Primeiru ne`e sei Problema , tamba kada Disiplina ne`ebe professores sira kaer hodi hanorin ba Alunus sira balun laiha liu to’o agora ,hahu husi Loron 4/01/2024 , Alunus sira ne`ebe tuir Prosesu Aprendijajen la lao ho Efectividade ,tamba Professores nebe mak kaer disiplina Lingua, religiaun ,matematika, siensia Fijika Naturais no kompostu husi disiplina 4 nia Professores laiha liu atu hanorin Labarik sira , ida ne’e sai problema boot ba Escola refere , ida ne’e sai problema boot ba Escola refere nomos wainhira iha Periodu Primeiru mos lao ho kalendario Edukasaun nian ona.’’hateten Directur Escola Ensino Bazico Central Lospalos Ernestu dos Santos ba Jornalista RCL iha nia Servisu fatin Quarta Feira 24/01/2024
Entertantu: ho Problema ida ne`e , Ministériu Edukasaun Juventude no Despórtu , iha Ona Planu atu , Rekrúta Rekursu Umanu , liu-liu Manorin Sira hodi Subtitui Manorin sira ne`ebe hapara ona sira nia Kontratu, nune`e mós Palnu ona atu Sosa Unifórme Eskola nia ba Eskola Ida-idak , nune`e bele Unifórmija Eskola hotu iha Nasaun Timor Leste.
Jornalista ; Syfren
Editor ; NP
