Lospalos RCL VP Kinta 25/01/2024 = Xéfi Unidade Distribuisaun Eletrisidade de Timor Leste Empréza Públiku EDTL- EP Munisipiu Lautém Sikito dos Santos Quinta Feira ne`e , Agradése ba Alunu Estájiariu sira husi Ensinu Tékniku Vokasional ETV Becora Dili , tamba Durante Fulan Tolu , hahu husi Novémbru Rihun Rua Rua nolu resin Tolu (2023) to`o Janeiru Rihun Rua , Rua nolu resin Haát , Ajuda ona Tékniku EDTL EP sira nia Servisu iha Munisípiu Lautém .
Ba jornalista RCL iha nia serviso fatin Xéfi Unidade Distribuisaun Eletrisidade hateten, Estájiariu sira ne`e mai husi Departamentu Téknolojia no Indústria iha ETV Bekora Dili Hamutuk Na`in 7 , ne`ebe Estájiu iha EDTL-EP Munisípiu Lautém , no ba Loron ohin ne`e hanesan Loron Final ba sira nia Atividade Estájiu iha Munisípiu Lautém.
‘’Iha oportunidade ida ne’e EDTL-EP Munisípiu Lautém hetan estajiado Nain 7 husi Eskola Tékniku Vokasional Becora Dili , husi Departamentu Téknolojia no Industria estajio durante fulan 3 , hahu husi Fulan Novembro 2023 to`o Janeiro 2024 ne’e , tamba bele Kontribui Sira nia Án liu husi Prátika Kampu , hodi ajuda Ami nia Técniku servisu iha Kampu , hodi nune`e Sira bele Kompléta sira nia Siensia Teoria ne`ebe sira hetan iha Eskola , antes sira finalija sira nia Estudu iha sira nia Eskola .’’ Dehan Xéfi Unidade Distribusaun EDTL EP Munisípiu Lautém Sikito dos Santos ne’ebe jornalista RCL hasoru iha nia servisu fatin quinta feira 25/01/2024
Xéfi Unidade Distribuisaun EDTL ne`e mós Konfésa , Durante Estájiariu sira nia Prejensa iha EDTL-EP Munisípio Lautém ne’e , bele kontribui no fasilita duni ba Servisu EDTL nian hodi finalija serviso EDTL iha tempu badak nia laran.
‘’Durante Ita nia Alin Estudante nia prejensa iha EDTL EP Munisipiu Lautém ne’e , fó sira nia kontribuisaun lubuk ida ba Ami nia servisu , tamba kuando servisu todan ida ba iha Ami , Ami presija Ema barak atu hadia , maibe Liu husi sira nia Prátika Kampu ga Estajiu durante Fulan 3 bele fasilita Ami , hodi bele Finalija Ami nia servisu Todan sai Kamaán , hanesan Hari Ai rin ,Dada Fiu ,Tesi Aihoris sira ne’ebe Afeita ba ita nia Liña Eletrisidade,hodi nune’e ita nia Liña Eletrisidade labele Mate , ho Nune’e hau Nudar Responsavel Máximu EDTL-EP Munisipio lautém , Agradése no Obrigadu ba sira nia Kontribuisaun Servisu hamutuk durante ne`e.’’ Nia Konfésa
Entertantu; Buat ne`ebe Hetan Durante iha Prátika Kampu nian , ne`e sai hanesan Bukae Moris ida ba Estájiadu Na`in 7 Ne`ebe Durante Fulan 3 iha Munisípiu Lautém , nune`e mós ho Sira nia Estájiu ne`e bele Kompleta Siênsia Teoria ne`ebe sira hetan iha Eskola .
Jornalista ; Linda
Editor ; NP
