Lospalos RCL VP Segunda 29/01/2024 = Ensinu Secundária Geral Ninu Koni Santana (ESG NKS) Lospalos , Segunda Feira ne`e , hala`o Enokontru ho Inan Aman Alunu , Husu Kontribuisaun atu Aumenta Profesor iha Eskola refere , tamba Manorin Kontratadu sira nia Kontratu Para , Relasiona ho Despáisu no Sirkular husi Ministériu Eedukasaun iha Fulan Dezembru tinan kotuk.
Diretór ESG NKS Lospalos Grilo Fernandes liu husi Enkontru ne`ebe hala`o iha Salaun Enkontru Eskola nian hateten , Objétivu husi Enkontru ida ne`e , atu Inan Aman sira bele Husu Inan Aman sira nia tulun Kontribuisaun Osan ba Eskola refere , hodi responde Problema Menus Profesor iha Eskola refere .
‘’ Ohin ita túr hamutuk iha Escola Ida ne`e ho Objétivu ida , atu husu Inan Aman nia Ajuda liu husi Kontribuisaun Osan ba Eskola , hodi bele Responde Manorin ou professores ne`ebe mak menus iha Eskola Ida ne`e , tamba ho Menus Profesor , Matéria Ensinu Aprendizazen balun Mamuk , tamba nia Manorin laiha , ho Nune`e Eskola nafatin husu no lolo liman ba Eskola liu husi Kontribuisaun Osan , ho rajaun atu kompléta Selu Manorin Kontratu ne`ebe Inan Aman mak selu liu husi Kontribuisaun , hodi responde Matéria Ensinu nian ba Periodu Primeiru nian , no ba Oin ita hotu hein Desijaun husi Ministériu Edukasaun nian .’’hateten Directur Escola Nino Conis Santana Lospalos Grilo Fernande nebe hato’o lian intervensaun ba Encontru iha 29/01/2024
Iha Sorin Seluk Inspetór Inspésaun Area Eskola , Munisípiu Lautém Marzelitu da Costa hateten , Wainhira Inan Aman sira Prontu ona atu halo kontribuisaun Osan ba Eskola , Parte Eskola tengki Hato`o Kuantidade Manorin Presija iha iha Eskola no Oras Hirak Mak Mamuk ho Detailu no Justu ba Inan Aman sira.
‘’Hau mos husu nafatin ba Dirétiva Escola nian , wainhira inan Aman Prontu halo Kontribuisaun ba Escola ,Parte Escola tengki hato’o katak Professores nain hira mak la to’o no Horas hira mak Mamuk , tengki halo nia Relatorio ho Detailu no Justu , nune`e Inan Aman kontente , hodi halo nafatin kontribuisaun ida ne`e , tamba ba Ita nia Enkontru hamutuk ne`e ho nia Objétivu ida de`it , katak Inan Aman sira fó kontribuisaun Osan ba Eskola , no Inan Aman rasik mak sei Jere Osan Kontribuisaun hodi Selu ba Profesor ga Manorin ne`ebe Prontu atu Hanorin iha Eskola ida ne`e.’’ Dehan Marzelitu.
Entertantu: Sida`uk Hatene nia Durasaun tempu to`o bainhira mak Inan Aman sira bele hakótu Kontribuisaun Osan ba Eskola, hodi Selu Profesor Hanorin iha Eskola ? Koko iha Tinan ida ne`e , maibe Alunus sira la asesu Matéria Ensinu nian ho Kompletu , tamba Probléma Profesor la to`o atu hanorin Eskola , Hein nafatin Estadu nia Kbi`it.
Jornalista ; Ano
Editor ; NP
