Rasa Lospalos RCL VP 29/01/2024 = Estudante Husi Universidade Dili (UNDIL) , Hamutuk Na`in Haát nolu resin Tolu (43) , Semana liu bá , Hala`o Estájiu iha Suku Rasa , Postu Administrativu Lospalos , Munisípiu Lautém , hodi Aprénde Situasaun Komunidade iha Suku Refere.
Xéfe Ekipa Estájiadu UNDIL Custodiu Ximenes de Jejus ba Jornalista RCL iha Sede Suku Rasa segunda feira ne`e Infórma , Equipa Estágiadu ne`ebe nia lidéra ne`e , hahu Sira nia Estájiu iha Loron Sanolu resin Lima Fulan Janeiru , Rihun Rua , Rua nolu resin Haát(15/01/2024. Ho atividade Kolékta dadus Komunidade hodi hatene Totál Populasaun Suku Rasa nian , no sei halo Promosaun Saúde.
‘’Ami Mai iha Ne`e iha loron 15/01/2024 , Fatin Estájiu Inisiu mak iha Suku Fuiloru , Postu Lospals , maibe Koloka Hikas Ami na`in 43 , kompostu husi Mane 11 no Feto 22 , mai iha Suku Rasa , ami hala`o ami nia Estájiu ida ne`e ho Atividade prinsipal mak , Kolékta dadus Komunidade hodi hatene Total Populasaun ne`ebe Situada iha Suku Rasa , nune`e mós ami sei halo tán Planu ba Atívidade Promosaun Saúde , tamba Ami mai husi Fakuldade Sáude Departamentu Infarmajén Jeral UNDIL nian , durante Fulan 2 Semana 2 iha Komunidade nia Leét , alende ne`e mós ami atu hatene no Sente kona ba Moris Komunidade nian , iha Suku ida ne`e . Ami Sente Orgúillu ho Lider Komunitáriu sira iha Suku ida ne`e , tamba sira fasilita Fatin ba ami no kontinua akompaña ami nia Atívidade iha Aldeia 3 iha Suku Rasa nian , hodi nune`e husi Inisiu to`o agora amia atívidade la`o ho diak .’’ Hateten Xéfe Ekipa Estájiadu UNDIL Custodiu Ximenes de Jejus ba Jornalista RCL iha Sede Suku Rasa segunda feira 29/01/2024.
Entretantu ; Ekipa Estagiariu husi Universidade Dili (UNDIL) okupa Sede Suku no Pré-Eskolar Suku Rasa nian , hodi hamahon ba Sira hodi hala`o sira nia Atívidade durante Fulan Rua Semana Rua .
Jornalista ; CC
Editor ; NP
