PAAS Sida`uk Rekrúta , Préjudika ba Sistéma Atendementu Suku Nian

Mehara Tutuala RCL VP 06/02/2024 = Suku Hotu iha Munisípiu Lautém to`o agora sida`uk iha Pessoal Apoiu Administrasaun Suku ga PAAS, nune`e Préjudika ba Sistéma Administrasaun Suku, tamba Durante ne`e Xéfe Suku Sira mak hola parte ba Servisu ne`e hotu.

Xéfe Suku Mehara, Postu Administrátivu Tutuala , Markus Lopes Husu ba Governu , liu-liu Ministériu Administrasaun Estatál (MAE) atu bele Rekrúta ona PAAS , atu nune`e bele Apoia no Ajuda Suku , hodi halo Atendementu ba Komunidade nia Nesesidade.

‘’Durante ne`e Ami Xéfe Suku sira , Susa ratu sai ba Fatin Ruma ho Asuntu Estadu nian , Iha Postu no iha Munisípiu , tamba ami tengki Subtitui Servisu PAAS nian hotu , wainhira Ami Xéfe Suku sira sai ba Fatin Ruma , Sede Suku Mamuk , no Atendementu Públiku mós labele la`o , Nune`e Hau husu ba Estátu , liu-liu Ministériu Administrasaun Estatál (MAE) atu hahu ona Rekrútamentu ba Apoiu Suku , atu nune`e bele ajuda Servisu Administrasaun iha Suku , nune`e mós halo Atendementu Administrasaun ba Komunidade , wainhira Ami Xéfe Suku sira laiha , nune`e Ita nia Komunidade sir abele kontente ho Sistéma Atendementu Suku nian.’’ Hateten Xéfe Suku Mehara , Postu Administrátivu Tutuala , Markus Lopes ba Jornalista RCL Iha Sede Suku Méhara Tersa 06/02/2024.

Nia afirma , Durante ne`e Apoiu Suku sida`uk ida, Ami Xéfe Suku mak , tengki Halo hotu servisu , tamba kada loron sira mantein iha Sede Suku , hodi halo atendementu ba Komunidade sira , tamba hakarak atu hakbesik Administrasaun ba Komunidade.

‘’Ami Mantein Nafatin Ami nia Pojisaun , Hahu husi Eleitu to`o agora hodi halo nafatin Atendementu ba Komunidade , sira ne`ebe Présija Trata dokumentus Suku nian , Ami Próntu tamba Ami mós sente katak , ho Ami nia Servisu sira ne`e , dala ruma ajuda ona Komunidade , iha area Administrasaun Suku nian , no ida ne`e mós hola parte ba Hakbesik Komunidade ba Sistéma Administrasaun Suku nian,Tamba ne`e mak Ami Servisu maske sei mesak.’’ Dehan nia.

Entretantu; Laiha Pesóal Apoiu Administrasaun Suku , Difikulta Xéfi Suku atu atende Atividade Estadu nian , iha nivel Postu no Munisipiu , Halo atendementu Komunidade iha Suku laran.

Jornalista ; SdC

Editor ; NP