Pairara Lautém RCL VP Tersa 13/02/2024 = Xéfe Suku Pairara , Postu Administrátivu Lautém Jaime do Carmu Vieira , Tersa feira ne`e Infórma , Liu husi Programa Nasional Dezenvolvimentu Suku PNDS sikúlu Lima ba tinan ida ne`e , sei Konstrúi Sala Eskola Ne`en (6) Iha Suku Pairara , Kompostu husi Sala 3 ba Pré Eskolar iha Aldeia Lévonu no Sala 3 iha Aldeia Punu Suku Pairara.
Iha Eskola Báziku Filial Pairara Xéfe Suku ne`e mós Afirma , nia Parte Konsidéra Edukasaun ne`e Importante ba Ema hotu , liu-liu ba Labarik sira , nune`e Autóridade Komunitária hamutuk ho Komunidade , Enkáisa Planu Konstrusaun Sala Eskola nian , ba Suku refere , Nune`e Planu ida ne`e hetan ona Aprovasaun no sei Implémenta iha Tinan ida ne`e , Husi Projétu konstrusaun Sala Eskola 6 iha Suku Pairara PNDS sei aloka Orsamentu ho Montante $85.250.00.
‘’Hau Hanoin Edukasaun ne`e Importante ba Ema hotu , liu-liu ba Labarik sira , nune`e Hau Hanesan Lidér Máximu iha Suku Pairara , hamutuk ho Komunidade , Halo Planu no Proposta ba PNDS Sikulu 5 nian ba tinan ida ne`e , Grása de Deus Maromak no Rai Lulik sira Tulun Ami , PNDS aprova ona ami nia Propósta,nune`e PNDS Sikulu 5 iha Hau nia Suku ne`e , ami sei halo Projétu konstrusaun Sala Eskola 6 Kompostu husi Sala 3 ba Pré Eskolar iha Aldeia Lévonu no Sala 3 ba Ensinu Báziku Filial (EBF) Iha Aldeia Punu , kona ba Konstrusaun ida ne`e sei Implémenta iha tempu badak nia laran , tamba Hau Asina ona Kontratu , Prosesu Konstrusaun hahu dada`uk ona , tamba Komunidade sira hahu Tesi ona Ai ne`ebe besik iha Fatin Projétu iha Aldeia Lévonu, Husi Projétu konstrusaun Sala Eskola 6 iha Suku Pairara PNDS sei aloka Orsamentu ho Montante $85.250.00.’’ Hateten Xéfe Suku Pairara , Postu Administrátivu Lautém Jaime do Carmu Vieira , ba Jornalista RCL Iha EBF Pairara Tersa feira 13/02/2024.
Husi Sorin Seluk , Kórdinador EBF Pairara Ernéstu Sequeira hateten , Nia parte Orguilu tamba Lidér Komunitáriu ho Komunidade sira , iha interese makaás ba Dezenvolvimentu Edukasaun iha Suku Pairara , Nune`e Tinan ida ne`e bele hamutuk halo Propósta ba PNDS hodi Konstrui Sala Tolu ba Pré Eskolar iha Suku refere , tamba Dezenvolvimentu Edukasaun hahu husi Pré Eskolar hafoin to`o iha Ensinu Superior.
‘’Hau sente Orguilu ba Planu Lidér Komunitáriu no Komunidade tomak iha Suku Pairara , tamba iha Interese makaás ba Prosesu Dezenvolvimentu Edukasaun iha Suku Ida ne`e , Nune`e bele hamutuk , hodi halo Planu no Proposta ba Konstrusaun Sala Eskola Pré Eskolar nian iha Aredór EBF Pairara nian , Dezenvolvimentu Edukasaun hahu husi Pré Eskolar hafoin to`o iha Ensinu Superior , tamba Pré Eskolar ne`e hanesan Aleserse Edukasaun nian , ne`ebe ida ne`e Importante liu ba Labarik sira , ne`e duni Hau Agradese ba Xefe Suku ne`ebe foin Eleitu Maibe iha Esforsu hodi tau prioridade ba Dezenvolvimentu Edukasaun iha nia Suku rasik.’’ Dehan Ernéstu.
Entretantu; atu hetan Kualidade Rekursu Umanu iha Nasaun ida ne`e , tengki hahu husi Pré Eskolar , nune`e Estadu iha Hanoin hodi tau Prioridade ba Konstrusaun Pré Eskolar iha Nivél Baze tamba Dezenvolvimentu Edukasaun hahu husi Pré Eskolar hafoin to`o iha Ensinu Superior.
Jornalista ; Linda
Editor ; NP
