Lospalos RCL VP Segunda 04/03/2024 = Relasiona ho Ensinu Secundária Tékniku Vokasional ESTV Númeru ida Lospalos , ne`ebe tinan hirak liu ba , Implémenta ona Eskola Verde iha Munisípiu Lautém , nune`e Parte Eskola husu ba Parte Dirasaun Planiamentu Teritorial Florésta Kafé no Planta Industria Munisípiu Lautém atu bele Fasilita Ai Oan , ho kuantidade Atus Lima (500) hodi kuda iha Aredor Eskola nian.
Diretór ESTV Númeru 1 Lospalos Mozinu Morais Cristovão ba Jornalista RCL iha nia Knaár fatin Segunda ne`e hateten , Eskola ida ne`e aplika ona Eskola Verde iha Tinan hirak liu ba , no Konsege Kuda Ai Oan ho Kuantidade Atus Tolu (300) , Maibe tamba Udan Bén laiha , Barak mak Mate , Nune`e husu ba Parte ne`ebe relevante , hodi Oferese hikas Ai Oan atu nune`e sir abele kuda hikas , hodi haburas no hamatak Eskola ida ne`e.
‘’Ami Présija liu Ai Oan , Para ami bele Kuda iha Ami nia Eskola , tamba Ami nia Eskola ne`e Implénta ona Eskola Verde Pilotu ida iha Munisípiu Lautém , Fou-foun Ami kuda ona Ai Oan hamutuk 300 Maibe , tamba Udan iha Tempu ne`eba ne`e la Tuún , entaun Barak maka Mate hotu , entaun kala Moris ne`e iha Hun hira de`it , nune`e Husu ba Parte Dirasaun Planiamentu Teritorial Florésta Kafé no Planta Industria Munisípiu Lautém atu bele Fasilita Ai Oan , ho kuantidade Atus Lima (500) hodi kuda iha Aredor Eskola nian , Nu e`e bele Hamatak no Haburas Ambiente Eskola , no bele fornese Anin Fresku ba Estudante sira hodi Estuda no Aprende, Ami Presija duni Ai Oan atu bele Kuda , tamba Estudante sira , mai Eskola presija duni Anin Fresku husi Eskola nia Matak no Buras.’’ Hateten Diretór ESTV Númeru 1 Lospalos Mozinu Morais Cristovão ba Jornalista RCL iha nia Knaár fatin Segunda 04/03/2024.
Kona kona ba ida ne`e , Xéfe Departamentu Florésta Kafé no Planta Industria Munisípiu Lautém Venansio da Costa hateten , Atu Kuda Ai iha Eskola , hanesan Inisiativa ne`ebe diak , no Parte Floresta Prontu atu fasilita , hodi fornese Ai Oan , maibe Temporariamente Preparasaun Ai Oan mak sida`uk iha ,
‘’Hau Apresia ho Insiativa Eskola nian , no ida ne`e inisiativa diak hodi haburas no hamatak Eskola ho Ai , Ami Prontu atu fasilita sira ho Ai Oan ho Kuantidade 500 , nune`e bele responde ita nia Eskola ne`ebe hakarak atu kuda Ai iha Sira nia Ambiente Eskola , Temporariamente Stock Ai horis iha Sentru Viveiru Munisipiu Lautém hotu ona , nune`e ami sei buka Meius hodi distribui ba Eskola hodi sir abele kuda.’’ Hateten Venansiu.
Entretantu; Eskola Técniku Vokasioal Lospalos , hanesan Eskola Pilotu ba Implementasaun Eskola Verde iha Munisípiu Lautém , nune`e Presija Fasilita , nune`e iha future Eskola ida ne`e bele sai Buras no Matak ba Bebe`ik.
Jornalista ; SdC
Editor ; NP
