Lospalos RCL VP Domingu 03/03/2024 = Consellu Combatentes Libertasaun Nasional (CCLN) Munisípiu Lautém Dominngu 03/03/2024 , ne`e Selebra Loron Veteranus nian ba Dala 7 (Hitu) iha Aredór Administrasaun Munisípiu Lautém , tamba Loron ida ne`e hanesan loron Históriku ba Nasaun Timor Leste.
Prézidente CCLN Munisípiu Lautém Aureliu Freitas Ribeiru ba Jornalista sira Fatin Serimonia hateten , loron ida ne`e hanesan Loron Importante ba Veteranu no Povu sira iha Nasaun ida ne`e , tamba Estadu Desidi ona Loron ida ne`e hanesan loron Nasional ba Veteranu sira nian.
‘’Loron Ida ne`e hanesan loron Importante ba Veteranu no Povu Timor Leste liu-liu ba Munisípiu Lautém , tamba Loron ida ne`e Estadu Define ona sai loron Nasional ba Veteranu nia ne`ebe , Veteranu sira selebra ba Dala 7 nian , ho Objétivu ida atu Hamutuk Unidade nafatin , hodi Alkansa Mehi Lutador sira , hodi liberta Povu liu husi Dezenvolvimentu Nasaun nian, Hau husu ba Maluk Veteranu sira atu Bele Kontribui ba Prosesu Dezenvolvimentu rai laran , tamba Vetearnu sira nia Luta sei lá para iha Luta ba Ukun Rasik An , maibe Kontinua Dedika ba Prosesu Liberta Povu no Nasaun , liu husi dalan Unidade.’’ Dehan Aureliu ba Jornalista sira , wainhira Selebra Loron Veteranu iha Aredor Administrasaun Munisípiu Lautém Dominggo 03/03/2024.
Prézidente CCLN ne`e mós husu ba Povu tomak , Bazéia ba Istória ne`ebe iha hatudu katak , asaun ne`ebe akontese iha loron Rua no Loron tolu Fulan Marsu Rihun Ida Atus Sia Walu nolu Resin Ida (2-3 / 03 / 1981) hanesan Loron Nasional ba Veteranu nian.
‘’Bazéia ba Istória ne`ebe iha , asaun ne`ebe akontese iha loron Rua no Loron 2-3 / 03 / 1981 , ita nia Lutadór sira Nakonu ho Prinsipiu Determinasaun ida , Dedikasaun ne`ebe Ás , Konviksaun ne`ebe Firmi , luta ba Ukun rasik Án liu husi dalan Oin-oin , liu-liu dalan Importante ne`ebe mak sai Referensia ba ita maka Unidade , maske iha Situasaun Politika , ita iha Diferensia Ideia , maibe atu Servi Nasaun tengki liu husi dalan Unidade , tamba Hamutuk maki ta bele Atinji Segundu Objétivu Luta Na`in sira mak Hamutuk Liberta Povu , tamba ita iha Unidade ne`ebe bo`ot ita Tempu Rezistésnsia maka Luta ba Ukun Rasik Aán .’’ nia hateten
Entretantu , Maske Selebrasaun Loron Nasional Veteranu , ne`e la`o iha loron Dominggo , maibe Hetan Partisipasaun Máximu husi Na`in Veteranu no Veterana , Governo Lokal , Estudante no Entidade tomak iha Munisípiu Lautém.
Jornalista ; Ano
Editor ; NP
