Lospalos RCL VP 03/04/2024 Crúz Vermeila Timor Leste CVTL Filial Lautém halo audensia ho Prezidente Autoridade Munisipal Lautem,hodi aprejenta programa Servisu ne’ebe durante ne’e sira hala`o ona iha Munisipiu Lautém
Kórdinador CVTL Filial Munisipal Lautem Luis Manuel Pereira ne`ebe Jornalista sira hasoru iha Salaun Administrasaun Munisipal Lautém hateten, objétivu ba sorumutu ho Autoridade Munisipal ne’e, atu Aprejenta Programa CVTL nian nebe liga ba Saude, Edukasaun no Dezastre Naturais.
Luis mos informa katak, durante ne’e sira halo kordenasaun diak ho servisu Administrasaun nian hodi halo atendementu jestaun risku Dezastre ne’ebe Akontese iha Lautem, ho nune’e liu husi sorumutu ne’e mos, nia husu ba PAM foun atu nafatin iha koperasaun servisu hodi atende ba Dezastre ne’ebe, komunidade sira hasoru iha baze.
‘’ Ohin ami mai halo audensia ho PAM Lautém ho Objétivu atu Aprejenta Programa CVTL nian hanesan halo promosaun Saude, Dezastre , no Educasaun kona ba implementasaun programa merenda eskolar iha Munisipiu Lautem,atu nune halo kordenasaun diak Nafatin ho servisu Administrasaun nian hodi halo atendementu jestaun risku Dezastre ne’ebe Akontese iha Lautem, ho nune’e liu husi sorumutu ne’e mos, hau husu ba PAM foun atu nafatin iha koperasaun servisu hodi atende ba Dezastre ne’ebe, komunidade sira hasoru iha Suku no Aldeia.hateten Coordinador CVTL Filial Munisipal Lautem Luis Manuel Pereira
Iha sorin seluk Prezidente Autoridade Munisipal Lautem ,Melio de Jesus apresia ba CVTL, tamba durante ne’e, iha ona kordenasaun diak hamutuk ho diresaun dezastre iha Administrasaun Lautem, hodi halo atendementu rápida ba familia afetadu sira iha Lautem, liu-liu foin lalais akotesementu insendio ahi han uma ida iha iliomar, Parte CVTL hamutuk ho jestaun dezastre ho APC halo kedan atendementu urjensia ba familia afetadu sira iha iliomar.
‘’hau Agradese tebes ba CVTL Lautem CVTL tamba durante ne’e, hau halo kordenasaun nebe diak hamutuk ho diresaun dezastre iha Administrasaun Lautem, hodi halo atendementu rapida ba familia afetadu sira iha Lautem, liu-liu foin lalais akotesementu insendio ahi han uma ida ,iha Postu iliomar, Parte CVTL hamutuk ho jestaun dezastre ho APC halo kedan atendementu urjensia ba familia afetadu sira iha iliomar.tamba hau Nudar Prezidente Autoridade ne’e husu nafatin ba cVTL atu bele halao sosialijasaun ba Progrma Merenda Eskolar nebe mak agora dadaun halao iha Munisipiu Lautem atu nune parte CVTL halo Kontrolo nafatin ba Nutrisaun Aihan ba Studante sira. Prezidente Autoridade Munisipal Lautem, Melio de Jesus
Entertantu durante ne’e CVTL lautem halo ona programa sosialijasaun kona ba risku dejastre ba komunidade sira iha Suku Daudere Postu Lautem , no suku Afabubu Postu Luru,Programa dezaminasaun nutrisaun saude ba komunidade sira, no halo sosialijasaun risku dejastre ho nutrisaun saude ba estudantes sira, iha suku hirak refere.
Jornalista;syda
Editor;NP
