Lospalos RCL VP 16-04-2024 Atívidade Soru Taís hanesan Atividade Identiku ida ne`ebe hahu desde Beiala sira hodi Transfórma hikas ba Jerasaun foun sira iha Nasaun Timor Leste , liu-liu iha Munisípiu Lautém , nune`e Presija Promove husi Jerasaun ba Jerasaun liu husi Formasaun.
Administrador Postu Administrativu Lospalos , Munisípal Lautém Olderiku Quimbra liu husi Abertura formasaun Artezenatu Segunda Feira ne`e hateten , Atívidade Soru Taís hanesan Atividade Identiku ne`ebe Beila sira Husik hela ba ita , tamba Taís Latém mosu ho Motif ne`ebe oin-oin , no Ho Taís mak ita bele Fiar malu no Konsidera malu husi kada Postu ida-idak.
‘’Hau hanoin Formasaun ida ne`e Importante liu ba Jerasaun foun sira , nune`e sir abele iha Koñesementu kona ba oinsa Soru Taís , tamba Taís Lautém ida ne`e mai ho nia Mótif ne`ebe oin-oin , ho Taís mak ita bele Uja hodi sai Lembransa iha Lia Moris no Lia mate , tuir Moris Kultura Lautém nian , Taís Tradisional ida ne`e ita tengki Promove nafatin , yamba ida ne`e hanesan Eransa Kultural ne`ebe sai Identidade Nasaun no Munisípiu ida-idak ho nia Valór ne`ebe Aás tebes.’’ hateten Apa Lospalos Olderico Quinbra
Entertantu:Apa Lospalos mos husu nafatin ba Formador sira atu bele hanorin didiak ba Juventude sira ne`ebe Partisipa iha Formasaun ida ne`e , nune bele hatene lala`ok Soru Taís nian , tamba dadaún ne`e Juventude sira hatene mak , Mundu Digitalijasaun nian , no tau Interese ba Atívidade Identiku ida ne`e , no ba Partisipante sira , tengki Partisipa ho Máximu , nune`e bele iha Koñesementu iha Atívidade Soru Taís nian.
Jornalista;sisi
Editor;NP
