Postu Loré RCL VP 04/06/2024 Pessoal Guarda Floresta , Postu Loré , Mario da Costa hateten , Relasiona ho Muda Inkonsensia Komunidade sira nian , Animal Fuik ne`ebe sai Rikeja Nasaun nian , hahu Menus liu husi Atívidade Kasa Ilegal , Nune`emos Kauza husi Mudansa Klimátika , Ai Parapa ne`ebe iha Tasi Ibun Loré no Laivai hahu Barak mak mate.
Mario mós haktuir , Animal Fuik nia Kondisaun iha tempu Mudansa Klimátika Animal Fuik sira ne`ebe iha Aréa Parke Nasional Ninu Koni Santana , Munisípiu Lautém la Mate Arbiru , maibe sira hahu Menus , tamba Atívidade Kasa Ilegal ne`ebe durante ne`e kontinua La`o.
”Animal Fuik nia Kondisaun iha tempu Mudansa Klimátika Animal Fuik sira ne`ebe iha Aréa Parke Nasional Ninu Koni Santana , Munisípiu Lautém la Mate Arbiru , maibe sira hahu Menus , tamba Atívidade Kasa Ilegal ne`ebe durante ne`e kontinua La`o. Ita Mós hatene katak Iha duni mudansa klimatika, maibe iha Aréa Parque Nasional ne’e, ami hare iha Tasi Ibun Loré no Laivai nian mak Ai Parapa ne`ebe Protézidu ona hahu Mate ,nune`e mós kauza husi sosiedade balun seidauk iha koñesementu Ambiental. Ema soe plastiku arbiru, entaun mota lori ba tasi, laloran baku ba ai parapa sira nia oan mate. Entaun agora ai horis ne’e hahu menus.’’ hatete Mario da Costa (04-06-2024)
Mario mós haktuir , Pessoal Guarda Florésta iha Postu Loré Menus , nune`e labele Kobre Fatin Aréa hotu , tamba rai Loré rai ida ne`ebe Luan , Kontrola Sorin , Sorin Seluk Kontinua hala`o atividade Kasa.
‘’Durante ne’e Ami Guarda Florésta Na`in 3 deit , entaun Difikulta ami nia Servisu , tamba Ami na`in 3 de`it labele Kobre Area Loré ne`ebe Luan , ami halo Patroilamentu iha Sorin , iha Sorin Seluk Atívidade Kasa Ilegal Kontinua La`o , Maibe núdar Guarda Floresta ne`ebe hetan fiar husi Estadu , tengki Esfórsu hodi Ejekuta Servisu ne`ebe iha ona , Maske labele Kobre Area hotu-hotu.’’ Dehan Mario iha Postu Loré Semana liu ba (04-06-2024)
Entretantu; Postu Administrativu Hanesan Postu Foun ida iha Munisípu Lautém ho Total Populasaun Maizumenus 3.723 kompostu husi Mane Na`in 1,865 no feto 1,863, ho Total Area hamutuk 133,77 Km2.
Jornalista;CC
Editor;NP
