Lospalos rcl vp 10/06/2024 Relasiona ho Udan Bo`ot kuaje Fulan Tolu nia laran, Natar hectare 3 mak iha sub Aldeia Sambuta , Aldeia Barlio Suco Eukisi , Postu Administrativu Lautém Munisipiu Lautém , Tamba Natar refere Besik loós Mota no laiha Moru Protesaun no Irigasaun .
Natar Nain Alberto dos Santos hateten, Atu Hasa`e produsaun Aihan iha rai laran , Governu tengki kria Kondisaun , hodi Dezenvolve Sistema Agrikutura , liu=liu ba Natar , Tamba durante ne`e Agrikultor sira kontinua halo Natar ho Sistema Tradisional , sidauk iha Irigasaun no Moru Protesaun Maske Natar refere Besik los Mota.
“Ami nudar natar nain ami presija barak tamba tempu Natar ami uja Sistema Tradisional no Manual uja kanuru ke’e kuaze 80 hektares , nunka abandona , ami esforsu nafatin ajuda malu hodi Ke`ebe Be dalan hodi hatama Beé , tamba to`o agora Governu sidauk Halo Irigasaun ba ami nia Natar , Kada tina ami sempre Hetan Hahan husi ami nia Natar ne`e , nungka Faila , maske ho Sistema Tradisional ou Manual.’’Dehan Alberto dos Santos
Husi Sorin seluk Xefe aldeia Barliu , Suku Eukisi , Gosme Freitas mos informa , Udan Bo`ot nebe akontese iha fulan April too fulan junho Tinan ida ne’e Komunidade nia natar hamutuk hektares Tolu (3 Hkr) mak hetan estragus husi korenti mota tamba laiha irigasaun no moru protesaun.
“Foin dadauk mota tun estraga natar iha tubaleu nee mais ou menus hektares 3 haré isin ona mak bee lori. Irigasaun laiha manual deit, durante nee ami esforsu lori dados ba Nasional para estado bele mai halo asegura sira nia natar liu-liu moru protesaun,Maibe to`o agora sidauk .” Dehan Xéfe aldeia.
Hatan ba Kestaun ne`e Director Servisu Munisípal Agrikultura Munisipíu Lautém Albertino Geronimo ne`ebe RCL hasoru iha Suku Soru Tersa feira ne`ee hateten, nia parte rekonhese katak Agrikultor sira ne`ebe mak hela iha parte Norte ne`e udan ben ladun iha , maibe wainhira udan monu rai natar no toos komunidade bele hetan estragus husi erosaun ho nunee ia parte iha ona planu hodi halo Irigasaun moru protesaun,nune`e hodi Fasilita Agrikultor sira hodi Kontinua halai sira nia Natar iha tempu saida deit.
‘’Loós duni ita nia Agrikultor sira ne`ebe mak hela iha parte Norte ne`e udan ben ladun iha maibe wainhira udan monu rai ,natar no toos komunidade bele hetan estragus husi erosaun ho nunee serviso munispal Agrikultura mos iha ona planu hodi halo moru protesaun, nunee natar no toos iha aldeia Barlio labele hetan estragus wanhira iha tempu udan monu rai no ita mos Planu atu halo Irigasaun ba natar no toos nunee bele ajuda ita nia Agrikultor sira , atu bele hetan Fila rai ,no ami mos sei halo intervensaun hodi halo fatin rai udan bén hodi bele sustenta Agrikultura nia Aihoris wainhira iha tempu bailoron narauk.’’ Dehan Albertino Geronimo
Entertantu , Atu Halo Seguransa Aihan no Hasa`e Produsaun Agrikola , Governu Kontinua Esforsu Neneik , hodi bele Ultra Passa Problema ne`ebe mak Agrikultor sira Infrenta , tamba Hametin Seguransa Alimentar Importante ba Nasaun hotu-hotu inklui Nasaun Timor Leste.
Jornalista; Ersi
Editor;NP
