Lospalos rcl vp 12-06-2024 Administrador Postu Administrativu Lospalos , Olderico Coimbra Tersa Feira ne`e hateten , Servisu Grupu Horikultura Puakili iha Suku Souro , ne`ebe Suporta husi Adventist Development And Relief Agency ka ADRA ne`e Hatudu Rejultadu Servisu ne`ebe Kualidade , iha area Hortikultura ,no prontu ona atu kompete iha Merkaduria , tamba Modo sira ne`ebe sira Koileta ho Kualidade no Sabór diak .
APA Lospalos ne`e mós Agradese ba ADRA nia Suportasaun , tamba kria ona grupo hamutuk Sia (9) iha Postu Lospalos liu husi Kapasitasaun ba grupo sira , oinsa bele kuda modo no nesaseidade bajika ne`ebe mak grupo sira presija .
‘’ Hau agrdese no apresia tebes ba parseiro ADRA tamba durante ne’e bele kria ona grupo hamutuk 9 iha postu lospalos hodi fo kapasitasaun no fasilita grupo sira atu oinsa bele kuda modo no nesaseidade bajika ne`ebe mak grupo sira presija Lor-loron, Nune`e mós Kontinua Dudu Grupu sira atu bele hakbiít no haboót sira nia Servisu , atu bele Kompete ba iha mercado ida ne’e mak ADRA nia hanoin no nia planu nebe mak agora dadaun ita hare no Akompanha liu-liu ba grupu Puakily tamba Grupo Puakly hatudu ona nia rejultado aktividade hortikultura ho diak’’ dehan Administrador Postu Administrativo lospalos Olderiko Koimbra ba jornalista sira iha fatin implementasaun aktividade hortikultura iha Tersa feira 11/06/2024
Iha sorin seluk Gestór Projetu ADRA Timor Leste Ijak da Gama mos hateten , husi rejultado aktividade Grupo Puakily ne’e sai hanesan motivasaun ida ba grupo Puakily no sai mos motivasaun ida ba ADRA tamba ADRA sai hanesan Liman Ain husi parte Governu nian ,atu bele servisu hamutuk ho komunidade sira hodi bele hasae produtividade nun’e komunidade sira bele hetan rendimentu ho diak , ba sustente sira nia moris lor-loron.
‘’ liu husi rejultado aktividade Grupo Puakily ne’e sai hanesan motivasaun ida ba grupo Puakily atu bele halao nafatin sira nia aktividade, no sai mos motivasaun ida ba ADRA, tamba ADRA sai hanesan Liman Ain husi parte Governu nian, atu bele servisu hamutuk ho komunidade sira hodi bele hasae produtividade Hortikultura nun’e komunidade sira bele hetan rendimentu ho diak , hodi bele sustenta sira nia moris lor-loron.’’ Hateten da Gama
Iha fatin hanesan Xéfi Grupo Puakily Sirenio Monteiro,apresia no kontente ba prejensa ADRA tamba bele fasilita ona nia grupo ho ekipamentu ne`ebe natoón,nunee sira nia grupo bele utilija hodi halo sira nia aktividade ho diak iha Futuru.
‘‘hau apresia no kontente nafatin ba prejensa ADRA nian , tamba bele fasilita ona Ami nia grupo ho ekipamentu ne`ebe natoón , nune’e Ami nia grupo bele utilija hodi halo Ami nia aktividade ho diak no To’o Ami bele hetan rendimento ho diak , ba sustenta ba Ami nia Moris Lo-loron no bele sustenta ona nesasidade ba Ami Nia labarik sira atu ba eskola’’ Dehan Xéfi Grupo Puakily Sirenio Monteiro
Entretantu;Modo ne`ebe Grupu Puakily Kuda ho Variedade oin-oin mak hanesan , modo Mostarda ,modo Mutin ,Modo Morakot ,Alvase ,Baria,Lis ,Brinjela,Aimanas no seluk tan , Grupu ida ne`e iha Ona Ema ne`ebe mak atu Sosa Direita iha sira nia Fatin , no sira mós Fasilita ona Modo ba Programa Merenda escolar iha suku , no Total Membru Grupo Puakily hamutuk Ema nain Rua nolu Kompostu husi feto hamutuk walu no mane hamutuk 12.
Jornalista;Erme
Editor;NP
