Lospalos RCL VP 11-06-2024 Dirasaun Nasional Metereológika Geofisika (DNMG) , Hala`o sosializasaun kona ba Iklima no introdús Ekipamentu Meteorolojika Sistema alerta Sedu , ba funsionáriu sira iha Munisípiu Lautém, atu nune`e sira iha Koñesementu Klean , tamba Ekipa DNMG SEI instala aparelu meteorolojia, hodi Kontrola Iklima , no Temperatura Unidade Reativa Anin iha Munisípiu Lautém.
Presidente autoridade Munisipal Lautem Melio de Jesus ba Jornalista RCL Quarta feira ne’e hateten, funsionáriu kada Diresaun Servisu Munisipál, Administrador Postu no Xefe Suku sira iha Munisípiu Lautém , presiza tebes tuir formasaun ida ne’e, nune’e bele hatene kle’an, hodi bele transforma tutan ba komunidade sira ne’ebé hela iha área rurais, nune’e bele prevene dezastre ne’ebé mak sei akontese.
‘’Ida ne`e hanesan Oportunidade diak ba Funsionáriu kada Diresaun Servisu Munisipál sira, Administrador Postu no Xefe Suku sira iha Munisípiu Lautém,hodi hasa`e sira nia Koñesementu Klean, Nune`e bele transforma tutan ba komunidade sira ne’ebé hela iha área rurais, atu bele hamutuk hodi prevene ba dezastre ne’ebé mak sei akontese, Iha oportunidade ne’e Hau Husu ba funsionáriu kada Diresaun Servisu Munisipál sira, hodi aproveita oportunidade ida ne’e ho didi’ak liu husi Formasaun, kona ba Mudansa klimátika, liu husi Sistema alerta sedu no funsionamentu aparellu meteorolójiku nian, atu nune’e bele hatene ho Sistema nebe mak iha.’’ Dehan PAM Lautém Melio de Jejus ba Jornalista sira , iha Administrasaun Autoridade Munisípal Lautém.
Aleinde ne’e mós Prezidente Autoridade Munisipál Lautém, husu ba ekipa Diresaun Nasionál Meteorologia no Geofijiku, bele halo semináriu Munisipál ida, nune’e liñas Ministeriais sira ne’ebé ligadu ba dezastre naturais ba klimátika no parseiru dezenvolvimentu bilaterál sira.
‘’Hau husu ba ekipa DNMG, bele halo semináriu Munisipál ida, nune’e liñas Ministeriais sira ne’ebé ligadu ba dezastre naturais ba klimátika no parseiru dezenvolvimentu bilaterál sira, ne’ebé apoiu liu husi área klimátika no dezastre naturais nian, bele fahe sira nia esperiénsia no teknolojia ba Munisipiu Lautem,tamba PAM mos sujere ba Ministério Transporte no Komunikasoens, liu husi Diresaun Nasionál Meteorolojia no Geofijiku, fó formasaun ba funsionáriu sira iha Diresaun Servisu Munisipál Protesaun Sivil no Dezasrte Naturais, nune’e bele kontrola ekipamentu sira ne’ebé atu instala iha Munisípiu Lautém.’’ PAM Lautém Rekomenda.
Iha fatin ne’ebé hanesan, Xefe Departamentu, Meteorolojia no Geofijika, Flaviana Pinto Fernandes haktuir , atividade sosializasaun ida ne’e prinsipál tebes, atu hasai Konihesimentu ba setór sira hotu, hodi bele apár ba mudansa atmosfera ne’ebé akontese iha rai laran, liu-liu iha Munisípiu Lautém.
‘’Sosializasaun ne’e hanesan parte ida husi projetu Haforsa Sistema Alerta Sedu, hodi Hadia di’ak liu tan Resiliensia ba Perigo Hidrometeorologico iha Timor-Leste,tamba Projetu ida ne’e, lidera husi parseiru Internasionál United Nations Environment Programme (UNEP) no mós Autoridade Nacionál Designada, Imprensa Públika (AND.IP) ne’ebé sai hanesan manajementu fasilita jestaun finanseiru ba atividade hotu ligadu projetu refere,ba Sistema alerta sedu importante tebes, ba iha redusaun risku dezastre iha rai laran, nune’e presiza ita hotu nia kolaborasaun no kontribuisaun atu bele asegura, ne’ebé informasaun previzaun Tempo no Klima fó sai bele di’ak, adekuadu no akuaadu, oinsá atu bele asegura ekipamentu meteorolojia sira ne’ebé iha.’’ Hateten nia.
Entretantu: liu husi Sosialijasaun ida ne’e Prezidente Autoridade Munisipál Lautém, mos sei oferese rai ho medida Metru 5 Vezes 5 ba Ministério Transporte no Comunicações, liu husi Diresaun Nasionál Meteorolojia no Geofijika, atu bele instala sensores iha resintu Administrasaun Munisípiu Lautém.
Jorrnalista;Ersisi
Editor;NP
