Lospalos rcl vp 13/06/2024 Prezidente Autoridade Munisipál Lautém, hamutuk ho Secretário Munisipál Administração e Finanças, Secretário Munisipál do Planeamento, Investimento e Desenvolvimento Integrado no Diretor/a Servisu Munisipál ne’ebé akompaña ho Vise Ministru Comérçio no Indústria ho ekipa, observa direta ba komunidade sira hamutuk uma kain Sanulu Resin Ida (11), okupa rai Estadu, ne’ebé iha futuru Governu atu konstrui Merkadu foun Lospalos, Munisípiu Lautém.
Prezidente Autoridade Munisipál Lautém, Meliu de Jesus hateten, prezensa husi Vise Ministru Comérçio no Indústria ho ekipa, hamutuk ho Autoridade Munisipál Lautém hala’o observasaun direta ba prosesu indeminizasaun ba komunidade afetadu sira ne’ebé okupa rai estadu iha Laiku Lospalos, tamba Governu iha ona Planu atu Kontrui Merkadu Foun.
Lider másimu iha Munisípiu Lautém ne’e mos salienta, kona-ba komunidade sira ne’ebé okupa rai estadu hamutuk uma kain Sanulu Resin Ida (11), iha Laico, ne’ebé antes ne’e hetan ona indiminizasaun husi Governu, nune’e komunidade refere prontu koopera ho Governu atu husik fatin, nune’e iha futuru Governu liu husi Ministério Comérçio no Indústria atu konstrui Merkadu Lospalos.
‘’ prezensa husi Vise Ministru Comérçio no Indústria ho ekipa, hamutuk ho Autoridade Munisipál Lautém hala’o observasaun direta ba prosesu indemnizasaun ba komunidade afetadu sira ne’ebé okupa rai estadu iha Laico, tamba ne’e iha futuru Governu nia planu atu hala’o konstrusaun Merkadu foun Lospalos,tamba komunidade sira ne’ebé okupa rai estadu hamutuk uma kain Sanulu Resin Ida (11), iha Laico, ne’ebé antes ne’e hetan ona indemnizasaun husi Governu, nune’e komunidade refere prontu koopera ho Governu atu husik fatin, nune’e iha futuru Governu liu husi Ministério Comérçio no Indústria atu konstrui Merkadu Lospalos. Prezidente Autoridade Munisipál Lautém, Meliu de Jesus iha Loron 13/06/2024
Iha fatin ne’ebé hanesan, Vise Ministro Comérçio no Indústria, Augusto Junior Trindade haktuir tan, objetivu vizita no observasaun fatin ne’ebé prepara atu konstrui Merkadu Lospalos ne’e ,bele kle’an ba prosesu direitu no indemnizasaun, ne’ebé tama ba komunidade afetadu sira ida-idak nia konta Bankaria, nune’e komunidade sira prontu koopera ho Governu atu husik fatin.
‘’ objetivu vizita no observasaun fatin ne’ebé prepara atu konstrui Merkadu Lospalos ne’e , atu hatene kle’an ba prosesu direitu no indemnizasaun, ne’ebé tama ba komunidade afetadu sira ida-idak nia konta Bankaria, nune’e komunidade sira prontu koopera ho Governu atu husik fatin Mercado Lospalos ho nune , Prezidente Autoridade Munisipál Lautém hamutuk ho Diretor/a Servisu Munisipál sira tun iha terenu hodi ko’alia ho negosiante sira, hodi koopera Governu atu halo Dezenvolvimentu iha Munisípiu Lautém.
Entertantu: dezeñu ne’ebé atu konstrui Merkadu Lospalos ne’e , sei okupa rai hektar nen (6) nune’e bele iha espasu ba transporte públiku no privadu sira wainhira lori produtu lokál husi Postu Administrativu sira ,bele tama sai ho livre no dignu.
Jornalista ;Linda
Editor;NP
