Lospalos RCL VP 21-06-2024= Kóperativa Fini Dom Bosco Lospalos (KFDBL) Sexta Feira 21/06/2024 ne`e Realija Enkontru Asembléia Anúal , hodi halo Relatoriu ba Ejékutivu no Orgaun Fiskalijasaun , no hato`o Progresu Servisu Kóperativa nian , iha Salaun Parokia São Paulo Lospalos.
Reprezentante Prezidente Autoridade Munisipál Lautém, Zeferino Dos Santos Sequira ne’ebe ba jornalista sira hasoru iha Salaun Parókia Lospalos hateten Objetivu husi enkontru Annual Assembleia jeral ba membro Kooperativa Fini Dom Bosco Lospalos nian ne`e, atu bele hametin amizade no unidade entre membru sira hodi hari’i Ai rin ekonómia koletiva liu husi kuda fini ba moris di’ak.
‘’ Objetivu husi enkontru Annual Assembleia jeral ba membro Kooperativa Fini Dom Bosco Lospalos nian, atu oinsa bele hametin amizade no unidade entre membrus Kooperativa hodi hari’i Ai rin ekonómia koletiva liu husi kuda fini ba moris di’ak’’.hateten Reprezentante Prezidente Autoridade Munisipál Lautém, Zeferino Dos Santos Sequira Sexta Feira 21/06/2024
Tuir nia , Kóperativa ida ne`e bele Ajuda ona Membru sira iha Situa Emerjensia , liu husi Empresta Osan no Rai Osan , Nune`e Kóperativa refere bele Hamrik no Hakát ba oin , hodi Sai Ai rin ba Membru sira tomak.
‘’Kóperativa ida ne`e , Hamrik tamba liu husi Antigus Alunu Don Bosco Lospalos , Nune`e Kóperativa ida ne`e sei sai fini Foun ba Membru sira ho Sustentabilidade , tamba bainhira iha situasaun ne’ebé maka emerjénsia , Membru sira bele Aproveita hodi Empresta Osan , hodi halo Negosiu hodi Sustenta Nesesidade loron-loron nian,Kóperativa ida ne`e sei Tengki Ejiste nafattin iha Membru no Ejekutivu sira nia Esforsu tomak , tanba uluk membru sira hamutuk na’in 60, maibé agora aumenta ba ema na’in 90 mak Envolve hodi hala`o sira nia Knár no hatene sira nia Devér no obrigasaun hanesan membru Kooperativa, tanba Dom Bosco nia liafuan motiva membru Kooperativa sira atu tau atensaun másimu kona-ba Kooperativa ida ne’e iha futuru ‘’ nia Haktuir.
Entertanto; husu nafatin ba Membru Grupu Kóperativa nafatin atu iha kórdenasaun ho membru Grupo sira atu dezenvolve nafatin kóperativa ida nee,atu bele la’o ho di’ak.
Jornalista;erce
Editor;NP
