Iliomar rcl vp 05-07-2024= Autoridade Munisipál Lautém, liu husi Secretário Munisipál Administração e Finanças, reprezenta Prezidente Autoridade Munisipál Lautém, hala’o lansamentu kuda Hareé ho Natar Hektare 10 iha Modo Mau, Suku Caenlio, Postu Administrativu Iliomar, Munisípiu Lautém.
Reprezentante Prezidente Autoridade Munisipál Lautém, Secretário Munisipál Administração e Finanças, Fransisko dos Santos , ba Jornalista sira iha Modo Mau Suku Cainleu Postu Iliomar Segunda feiraa ne’e hateten, Autoridade Munisipál no Postu sira mai atu enkoraja Agrikultura sira, liuliu Grupu Agrikultura sira, atu kuda no kuidadu to’o tempu Koilleta nian, nune’e mos bele hare difikuldade ne’ebé mak infrenta iha terenu.
‘’ Autoridade Munisipál no Postu sira mai atu enkoraja Komunidade Agrikultura sira, liuliu Grupu Agrikultura sira, atu kuda no kuidadu to’o tempu Koilleta nian, nune’e mos bele hare difikuldade ne’ebé mak infrenta iha terenu,Tamba ne’e, problema sira ne’ebé mak komunidade Agrikultura sira infrenta, Autoridade hamutuk ho Ministério sei buka dalan hodi resolve ba prekupasaun Grupo agrikultor sira hanesan irigusaun, traktor no fasilidade sira seluk nb maka atu fasilita grupo sira,no Secretário Munisipál Administração e Finanças, reprezenta Prezidente Autoridade Munisipál Lautém, mos husu nafatin ba Grupu Agrikultura sira, atus fokus ba natar, hodi kontinua no organiza ba actividade sira ne’ebé mak Agrikultura sira hala’o, nune’e durante fulan tolu oin mai ita bele hala’o ona Koilleta Haree ne’ebé ita kuda.’’ Hateten Francisko dos Santos
Iha fatin hanesan, Diretor Servisu Munisipál Agrikultura Munisípiu Lautém, Albertino Jeronimo hateten, sei la promete maibé tinan oin tratores sei mai iha Modo Mau, Irabere, Iradarat, Kasadan no Faebere, nune’e Grupu sira tenke iha vontade atu servisu.
‘’Hau sei la Promete , maibe dala ruma Tinan oin , Tratór sei to`o iha Modo Mau, Irabere, Iradarat, Kasadan no Faebere, nune’e Grupu sira tenke iha vontade atu servisu, no Grupu ida ne’ebé nia natar ne’ebé luan, Kona-ba irigasaun, natar iha Postu Administrativu Iliomar, maiória uza de’it irigasaun ho tradisional, no laiha irigasaun ne’ebé mak modernu no permanente, tanba ne’e Agrikultura Munisípiu Lautém, identifika irigasaun hamutuk 20 iha Munisípiu Lautém, nune’e husu ba estensionista sira iha Postu Administrativu Iliomar, koordena didi’ak hodi identifika Agrikultura nia problema durante ne’e. hateten Albertinu
Entertantu:Albertino Jeronimo mos husu Nafatin ba Grupo Agricultura sira atu ontinua nafatin hodi halo Produsaun hare atu nune ita labele hola fos ba Eksportasaun nian iha Nasaun Timor Leste.
Jornalista;sisi
Editor;NP
