Lospalos rcl vp 16-07-2024 Mission Aviation Fellowship MAF Timor Leste , husu ba Komunidade iha Postu Lospalos , atu la bele husik animal iha Pista Aviasaun Munisipal Lautem, fo Impaktu ba Aviaun tun no Semo iha Kampu Aviasaun refere.
Partnership Development Officer Marlon Cristianto, husu ba Autoridade Komunitaria Suku Rasa no Suku Vijiñu atu fo hanoin ba nia komunidade sira , atu la bele husik Animal iha Pista Aviasaun Ipisala Lospalos, tamba Prejudika atu Aviaun tun iha Pista, hodi tula Pasiente sira, no ba pasajeirus sira seluk,tamba MAF dadaun ne`e sei halo sirkulasaun Lospalos Dili semana ida dala 2.
Marlon Cristianto informa katak, Pista Aviasaun ne`e laos deit ba animal maka iha vista laran, maibe Transporte Publiku mos durante ne`e asesu fali dalan aviaun nian iha pista ipisala, wainhira iha animal, no transporte sira iha pista aviaun nian, aviaun la bele semo tun ba pista, tamba fo impaktu ba ema nia vida humana, no mos ba animal hirak ne`ebe, iha pista laran.
‘’ Hau husu ba Autoridade Komunitáriu sira , atu fo hanoin ba nia komunidade iha Suku Rasa no Suku Vijiñu sira , atu la bele husik Animal iha Pista Aviasaun Ipisala Lospalos, tamba Prejudika atu Aviaun tun iha Pista, hodi tula Pasiente sira, no ba pasajeirus sira seluk,tamba MAF dadaun ne`e sei halo sirkulasaun Lospalos Dili semana ida dala 2,no Pista Aviasaun ne`e la`os deit ba animal maka iha vista laran, maibe Transporte Publiku mos durante nee asesu fali dalan aviaun nian iha pista ipisala, wainhira iha animal, no transporte sira iha pista aviaun nian, aviaun la bele semo tun ba pista, tamba fo impaktu ba ema nia vida humana, no mos ba animal hirak ne`ebe, iha pista laran.’’ Dehan Marlon.
Hatán ba rekomendasaun ne`e autoridade Suku Rasa Armindo Benedzato hateten , iha tinan kotuk parte MAF ho Autoridade Komunitária sira, hahu haleu ona Arame parpadu, maibe ema deskonhesidu sira sobu iha tempu kalan, tamba ne`e transporte sira hahu asesu fila fali pista refere, maibe ba oin nia sei sosialija nia komunidade sira atu la bele husik Animal sira livre iha pista laran, enkuantu ba transporte ne`ebe, asesu ba pista refere, presija iha servisu hamutuk ho entidades hotu atu nune labele liu husi Pista Refere.
‘’Hau Nudar Autoridade Lokal iha Suku Rasa nian iha Tinan kotuk Liu ba parte MAF ho Autoridade Suku Rasa nian,hodi halehu ona arami parpadu, maibe ema deskonhesidu sira sobu iha tempu kalan, tamba ne`e dadaun ne`e transporte sira hahu asesu fila fali pista refere, maibe ba oin nia sei sosialija nia komunidade sira atu la bele husik Animal sira livre iha pista laran, enkuantu ba transporte ne`ebe, asesu ba pista refere, presija iha servisu hamutuk ho entidades hotu atu nune labele liu husi Pista Refere.’’ Tenik Armindo
Entertantu: tuir observasaun iha terenu nota katak , wain hira tempu udan monu rai aviaun sei la bele tun ba pista aviasaun , tamba kondisaun landas nakfilak ba tahu dodok no kuak hodi prejudika atu aviaun tun.
Jornalista;Ersisi
Editor;NP
