Lospalos RCL VP 18-07-2024 =Sekretariu Estadu Dezenvolvimento Lokal SEDL no Presidente Autoridade Munisipal PAM Lautém , Hatúr ona Fatúk dáhuluk ba Projétu PDIM Hamutuk Sanolu Resin Lima (15) ne`ebe mak sei la`o iha tinan ida ne`e , ho Orsamentu Fiskal tinan 2024 nian.
Sekretariu Estadu Dezenvolvimento Lokal ,Mateus dos Santos Tallo ne`ebe Jornalista sira hasoru iha Centru Cultura Munisipio Lautem Quinta Feira ne`e hateten,Ohin offisialmente Hatuúr ona fatuk dahuluk ba Projétu Konstrusaun Ediffisio DNTT Munisipiu Lautém no Rehabilitasaun Kampu Multifunsaun iha Lospalos mak Reprejenta Projectu Sanolu Resin Lima(15)nebe mak Implementa ba Tinan ida ne`e iha Munisipiu Lautem.
‘’Ohin Hau ho Presidente Autoridade Munisipal Lautem offisialmente halo tau fatuk ba Projecto Konstrusaun Ediffisio DNTT Munisipiu Lautem no Rehabilisaun ba Kampu Multifunsaun iha Lospalos hodi Reprejenta ba Projectu 15 ne`ebe mak Implementa ba Tinan ida ne`e iha Munisipiu Lautem,tamba Total Orsamento ne`ebe mak Aprova iha Parlamentu bazeia ba Autoridade Munispal Lautem nia Pedidu ho total Orsamentu hamutuk $2 Miloens dolares Americano , mak aloka ba projétu 15 nian , bele tuir Politika Governu nian atu bele kapasita seitor Privado sira iha Nivel Munisipio hodi nune`e sira bele iha Kbiít Finanseiro iha Sperensia nebe Bo’ot hodi sai Parseiro Governo ninian ba oin,tamba ba oin Nasaun nebe Forte tenke Seitor Privado nebe Forte atu nune bele Akumula ita ninia Trabalhador sira hodi nune hare mos situasaun Economia iha ita nia Rai Laran.’’ Secretario Stado Dezenvolvimento Lokal ,Mateus dos Santos Tallo nebe Jornalista sira hasoru iha Centru Cultura Munisipio Lautem Quinta Feira loron 18-07-2024.
Iha fatin hanesan, Presidente Autoridade Munisipal Munsipiu Lautem Melio de Jesus ba Jornalista RCL hateten,Total orsamento ne`ebe mak Ejekuta ba iha Projectu Sanolu Resin Lima (15) hamutuk $ 2 Millioens no Kompanha nebe mak kaer Projecto konstrusaun DNTT no Kampu Multifunsaun ne`e Asina Kontratu iha Semana Tolu Liu ba no Agora dadaun Konstrusaun refere lao dadaun ona.
‘’Total orsamento nebe mak Ejekuta ba iha Projectu 15 ho Orsamento hamutuk $ 2 Millioens no Kompanha nebe mak kaer Projecto 15 ne’e halao nia servisu iha Fulan Julho no Projectu 15 ne`e iha Outubro tenke Antinji 80% no iha fulan Dezembro tinan ida ne`e projectu 15 ne`e tenke remata.dehan Presidente Autoridade Munisipal Munsipiu Lautem Melio de Jesus
Entertantu:Lansamento primeira Pedra ba projecto 15 ne`e lao ho diak tamba hetan Partisipasaun Maximu husi Autoridade Lokal no Entidade tomak iha Munisipal Lautém.sisi
Jornalista;sisi
Editor;NP
