Lospalos rcl vp 08-08-2024 Ekipa Corpu Bombeirus Munisipal Lautem Eziste tinan 10 ona maibe to’o agora sei Menus Rekursu Humanu no Ekipamentus Servisu nian.
Komandante Corpu Bombeirus Munisipiu Lautem Martinho de Carvalho informa, Corpu Bombeirus Eziste tinan 10 ona, maibe Rekursu Humanu sei menus nafatin.
‘’ Corpu Bombeirus Munisipal Lautem Eziste desde tinan 2014 to ohin loron, difikuldade ne’ebe ami enfrenta mak menus rekursu humanu no numeru rekursu mos la too tolu Nolu resin rua (32) pessoas, bele prejudika sistema nebe iha, tamba numeru la too (32) pessoas.’’ Komandante Corpu Bombeirus Munisipiu Lautem Martinho de Carvalho
Komandante Corpu Bombeirus Munisipiu Lautem ne’e mos hateten tan, Membru Bombeirus dadaun ne’e iha deit Sanolu resin sia (19) husi numeru ne’e seidauk prense kategoria tipu bombeirus tamba ekipa CB iha tipu 4 no membru hamutuk 145, nune sira labele halo atendimentu maximu ba komunidade sira tamba ne’e nia Parte sei presija tan Rekursu Humanu.
” dadaun ne’e ami nia Rekursu Humanu hamutuk ema nain 19, seidauk prense tipu bombeirus tamba CB iha tipu 4, tipu CB 1 18 pesoas, CB 2 22 pessoas, CB 3 32 pessoas no CB 4 72 pessoas, nebe ami sei presija tan rekursu tamba ita hare uma kain iha lautem 13 mil resin ne’e ita atu halo balansu korpu bombeirus ladun balansu, no geografikamente Lautem mos Luan, no Ekipamento nebe atu utiliza hodi halao servisu mos seidauk sufisiente liu-liu ekipamentu atu kombate insediu Florestal nian ,maibe ho konjunta servisu no wainhira servisu Avansa ne’e tenke ho ekipamento nebe kompletu no hau spera katak nono governo sei responde ida ne’e hotu.Tenik Komandante Corpu Bombeirus Munisipiu Lautem
Entretantu :Rekursu Humanus Corpu bombeirus Munisipal Lautem hamutuk ema nain 19 kompostu husi feto 4 no mane 15.
Jornalista;Sili
