Lospalos RCL VP 29/08/2024=Hahu husi tinan Rihun Ida Atus Sia Sia Nolu Resin hat (1994 to’o Agora Komunidade Aldeia Lereira, Sucu Mahina II, Postu Administrativu Lautem, seidauk sente ukun aan tamba sedauk asesu Eletrisidade, Estrada no Be’e Mos.
Komunidade aldeia Lereira sucu Mahina Segundo Alcina Neves nebe Jornalista RCL hasoru iha Aldeia Lereira Quinta feira ne’e hateten Durante Timor leste hetan nia independensia to’o ohin loron komunidade aldeia Lere-ira kontinua halerik ba dezenvolvimentu tamba too ohin loron sira seidauk sente dezenvolvimentu,Liu-liu ba Electrisidade, Be’emos no Strada.
‘’ Durante Timor leste hetan nia independensia to’o ohin loron Ami komunidade Aldeia Lere-ira kontinua halerik ba dezenvolvimentu tamba too ohin loron Ami seidauk sente dezenvolvimentu,Liu-liu ba Electrisidade, Be’emos no Strada tamba Strada ladiak difikulta ami komunidade sira atu asesu Mercado no wainhira Elektrisidade laiha Difikulta mos ba Labarik sira atu studa no be’e nebe laiha ami komunidade sira mos lao kilometru ida ka rua mak foin ami bele Asesu be’e mos hodi bele uja ba Nesesidade lor-loron nian,no ami komunidade Lereira mos husu nafatin ba Governo atu bele tau matan baa mi nia Problema hirak ne’e atu nune ami mos bele sente dezenvolvimento iha Nasaun rimor Leste.’’ Hateten Komunidade aldeia Lereira sucu Mahina Segundo Alcina Neves ba Jornalista RCL iha Aldeia Lereira Quinta feira 28/08/2024
Iha fatin hanesan Chefe Aldeia Lereira Almerio Da Costa mos preokupa ba kondisaun estrada nebe tinan barak estadu la tau atensaun hodi difikulta komunidade sira nia moris ,
‘’ hau nudar Chefe Aldeia Lereira mos preokupa ba kondisaun estrada nebe tinan barak estadu la tau atensaun hodi difikulta nia komunidade sira nia moris no Alende Estrada komunidade sira, mos sente sedauk iha dejenvovimentu ba eltrisidade no bemos,Tamba ne’e hau husu ministeriu relevantes atu tau matan ba Ami nia estrada no eletrisidade inklui be-mos,tamba tinan barak ona ita ukun aan too agora maibe, ami nafatin halerik Naroman no Be’emos ..tenik Chefe Aldeia Lereira Almerio Da Costa
Entertantu: Total populasaun iha aldeia Lere-ira hamutuk 453,kompostu husi mane 217, no feto 236, Total uma kain hamutuk 97.
Jornalista : Siver
Editor :EL
