Lospalos RCL VP 30/08/2024 =komemorasaun loron konsulta popular ba Dala 25 iha Lautem, Juventude Resistensia husu foin sae sira atu banati tuir sira nia ain fatin hodi kontinua luta ba Dezenvolvimentu Liu-liu iha Munisipio Lautem.
Juventude Resistensia Armenio Monteiru ne’ebé Jornalista sira hasoru iha Kampu Vinti Oitu Novembru iha Sexta feira ne’e hateten,nia Parte husu ba foin sae sira iha Munisipio Lautem atu hatene historia rezistensia sira nian hodi banati tuir no kontinua luta ba Dezenvolvimentu iha Nasaun Timor Leste.
‘’hau ba foin sae sira iha Munisipio Lautem atu hatene historia rezistensia sira nian hodi banati tuir no kontinua luta ba dezenvolvimentu iha Nasaun Timor Leste,tamba loron konsulta popular ba dala 25 ne’e hanesan reflesaun ba ita atu hanoin hikas memoria 30 de agostu ba kotuk ita sente triste mais ita hetan ona independensia liu husi referendu ida ne’e, husu mos ba juventude sira aproveita ukun aan ida ne’e banati tuir resistensia sira nia ain fatin hodi kontribu ba dezenvolvimentu,tamba Timor Leste nia ukun aan ne’e laos hanesan bandeza nebe simu husi ema seluk maibe liu husi prosesu nebe naruk mak foin bele kore an husi okupasaun,no liu husu prosesu naruk to’o 25 anos depois de deside liu husi preku ida hodi ukun aan.”hateten juventude resistensia Armenio Monteiru ba Jornalista sira iha Kampu 28 Novembru iha Sexta feira 30/08/2024
iha fatin hanesan xefe sucu cacavei Mario dias Quintas mos haktuir, Loron konsulta popular ne’e loron nebe importante ba Timor oan sira atu halo reflesaun tamba liu husi konsulta popular ida ne’e povu Timor Leste deside nia independensia.
‘’ Loron konsulta popular ne’e loron nebe importante ba Timor oan sira atu halo reflesaun tamba liu husi konsulta popular ida ne’e povu Timor Leste deside nia independensia,no Loron ida ohin ne’e ita halo reflesaun hodi hatudu nafatin ba ita nia jerasaun Foinsae sira atu bele hatene lalaok ba Timor Leste nia Independensia, tamba liu husi loron konsulta popular ne’e mos ita hakotu okupantes sira iha ita nia rai no ikus hetan ita nia independesia.’’ Dehan Xefe Sucu Cacavei Mario dias Quintas.
Entretantu :komemorasaun loron konsulta popular ba dala 25 iha Munisipiu lautem ne’e lao ho diak,tamba hetan partisipasaun husi Ministru Petroleu Rekursu Minerais, komandante komponente Naval, Prezidente Autoridade Munisipal, Diretores Servisu Munisipais sira, Inklui komunidade lautem iha Postu Administrativo Lospalos.
Jornalista : sisiver
Editor : El
