Lospalos RCL VP 03/09/2024 Governo Japaun fo Apoiu fasilidade be’e no Saniamento ba eskola EBF wairoke Postu Administrativo Luro Munisipio Lautem,nune’e bele Asegura Higiene ba Studante sira.
Reprejentante Autoridade Munisipal Lautem Tiborsio dos Santos ba Jornalista sira hateten ,nia parte Agradese no Apresia tebes ba Embaxador Japaun iha Timor Leste,tamba bele konstrui ona fasilidade be’e no saniamento no hygiene iha Eskola EBF Wairoke nian
‘’ hau Agradese no Apresia tebes ba Embaxador Japaun iha Timor Leste,tamba bele konstrui ona fasilidade be’e no saniamento ba Eskola EBF Wairoke nian ,atu nune labarik estudante sira bele uja ho diak,tamba ne’e liu Parseiru sira hanesan nasaun Japaun ne’ebé servisu hamutuk ho Governo Timor Leste hodi fo apoiu ba labarik estudante sira , liu husi Ajensia JICA kona-ba área dezenvolvimentu no área Saude,Educasaun no sector sira seluk tan. No hau mos husu ba Inan Aman no Professor/a inklui estudante sira katak fasilidade ne’ebé Governu Japaun fó ne’e , presiza kuidadu fasilidade sira, nune’e bele utiliza iha tempu nebe naruk.hateten Reprejentante Autoridade Munisipal Lautém Tiborsio dos Santos ba Jornalista sira iha loron , 03/09/2024.
Iha Sorin Seluk Embaxador Japaun iha Timor Leste Tetsuya Kimura mos hateten ,Governu Japaun rekoñese ona katak, Hijiene no nutrisaun ba labarik sira importante ba Nasaun Timor-Leste, ho nunee governo Japaun fo ona Asistensiaciha sektor oi-oin liu-liu iha Area Educasaun ,Saude,Infranstrutura,Agricultura ,Ambiente,no Area seluk tan.
‘’ Governu Japaun rekoñese ona katak, hadia Hijiene Eskola no nutrisaun ba labarik sira importante ba Nasaun Timor-Leste, hodi ida ne’e governo Japaun fo ona Asistensiaiha Area oi-oin liu-liu iha Area Educasaun ,Saude,Infranstrutura,Agricultura ,Ambiente,no Area seluk tan,ida ne’e Importante Tebes ba Labarik sira ,tamba Labarik mak Sai futuru ba Nasaun ida ne’e ba oin.tenik Embaxador Japaun iha Timor Leste Tetsuya Kimura
Entertantu:Inagurasaun ba konstrusaun be’e no Saniamento iha Eskola EBF Waiiroke ne’e lao ho diak tamba hetan Partisipasaun husi Komunidade sucu wairoke Studante no Professores sira.
Jornalista;Ersisi
Editor;EL
