Lospalos rcl vp Prezidente Autoridade Munisipal Lautem fo ona konfiasa ba Xefe do Grupu Modomau atu sai Ajente Extensionista iha suco Caenleu, Postu Administrativu Iliomar Munisipio Lautem.
Prezidente Autoridade Munisipal Lautem Melio de Jesus ba Jornalista sira hateten, Extensionista iha Iliomar seidauk, bele kobre area koletiva sira ho nune’e sei fo kontratu ba Xefe Grupu Modomau atu sai nudar extensionista iha Suco Caenleu nian atu bele fo asitensia tenkinu ba agricultura sira.
” Extensionista iha Iliomar seidauk bele kobre ba area koletiva sira tamba ne’e sei fo kontratu ba Xefe grupu modomau atu sai nudar extensionista iha Suco Caenleu Postu ilomar nian, atu bele fo asitensia tenkinu ba agricultura sira,hodi bele hasae produsaun iha Postu iliomar tamba durante ne’e extensionista nain 4 deit la kobre ba area koletiva tamba nee ohin alin ida nudar sefe do grupu natar nain mak sai Ajente ba Extensionista,tamba Xefe grupu modomau ema nebe badinas hare husi nee ita iha osan opersional atu utiliza hodi rekruta sai extensionista iha sucu caenleu aldeia larimi Postu Administrativo Iliomar ,atu nune fo asistensia nafatin tekniku ba agricultura sira.” Hateten Prezidente Autoridade Munisipal Lautem Melio de Jesus.’’
Iha fatin hanesan,Xefe do grupu modomau Adriano Savio,mos agradese tamba bele hetan konfiansa husi Prezidente Autoridade Munisipal Munisipio Lautem atu sai ajente extensionista
” hau agradese no kontente tebes tamba liu husi hau nia serbisu ne’e Prezidente Autoridade Munisipal Lautrm fo konfiansa mai hau atu sai ajente extensionista,iha Postu Iliomar Sucu Caenliu nian , no hau prontu atu sai liman ain ba Estado iha terenu ” .Tenik Adriano Savio
Diretur Servisu Munisipal Agricultura Albertinu Jeronimo mos hateten,nia parte kumpri nafatin Orientasaun husi Prezidente Autoridade Munisipal nian tamba Presidente Autoridade mos bele fo rekizitos no bele fo kontratu ba Xefe grupu modomau atu bele sai Ajente Extensionista.
” hau nudar Diretur Servisu Munisipal Agricultura ,kumpri nafatin Orientasaun Prezidente Autoridade Munisipal lautem ,tamba Presidente Autoridade mak bele fo rekizitos no sei Prepara Documentus no Prosesu administrasaun hodi bele asina Kontratu iha Fulan Outubro to ‘o fulan dezembru tinan ne’e ,ba Xefe grupu modomau sai Ajente Extensionista iha Terenu,dehan Diretur Servisu Munisipal Agricultura Albertinu Jeronimo.
Entretantu: Total Extensionista nebe ejiste iha postu Iliomar Munisipio Lautem hamutuk nain 5
Jornalista;Versisi
Editor;EL
