Lospalos rcl vp07/10/2024 Prezidente Autoridade Munisipál Lautém, sai inspetór ba Serimónia Içar da Bandeira Nasionál, ba semana dahuluk fulan Outobru 2024, atu fó Ondra no Glória ba Eroi no Mártires sira, husu ba funsionáriu sira, nune’e tenke servisu ho responsabilidade, hodi serví Povu ho seriedade no rigór no lori dezenvolvimentu iha Munisípiu Lautém, nune’e bele hasai Povu husi kiak no mukit, liu husi serimónia Içar da Bandeira Nasionál.
iha diskursu Prezidente Autoridade Munisipál Lautém, Melio de Jesus , husu Diretor Servisu Munisipál no Xefe Departamentu sira, atu orienta no organiza funsionáriu sira hodi servisu responsabilidade atu bele atinji objetivu ba dezenvolvimentu hodi fó prospero ba komunidade sira iha Munisípiu Lautém.
‘’ hau husu Diretor Servisu Munisipál no Xefe Departamentu sira, atu orienta no organiza funsionáriu sira hodi servisu responsabilidade atu bele atinji objetivu ba dezenvolvimentu hodi fó prospero ba komunidade sira iha Munisípiu Lautém.tamba Hanesan servidór do Estado ne’ebé hala’o knaar iha Autoridade Munisípiu, durante fulan hitu nia laran, ha’u akompaña atividade ne’ebé ita hala’o, ne’ebé hetan ona apresiasaun husi Komunidade sira,hateten Prezidente Autoridade Munisipál Lautém Melio de Jesus 07/10/2024
Entertantu: husu ba funsionáriu sira hotu iha Munisipio Lautem atu mantein hodi fó atendimentu nebe diak ba Povu iha Munisípiu Lautém, nune’e bele lori Povu iha Munisípiu Lautém ba moris di’ak no prosperu. Ba oin.
Jornalista;ersisi
Editor;EL
