Fatin “ITIHULA” ne’ebe lokalija iha balija entre suco com no suco tutala sai hanesan fatin konsentradu ba Jerasaun Lautem Oan sira, atu kontinua luta nain sira nia misaun hodi luta ba Dezenvolvimentu Munisipiu Lautem.
Prezidente Concelho combtentes libertasaun nasional ,Munisipio lautém Aurelio freitas Ribeiru hateten salaun foun CNE Munisipiu Lautem ho naran “ITIHULA” sai hanesan fatin konsentradu ba luta nain sira iha tempu rezistensia Nian ho nune’e fatin refere sai hanesan fatin ba gerasaun foun sira atu bele kontribui ba Dejenvolvimentu iha Nasaun Timor leste liu-liu iha Munisipiu lautém .
“Ami hili fatin itihula nee tamba husi fatin nee tuir autor sira katak iha 1982 tempu rezistensia husi fatin nee mak sira halo formasaun ba kuadros interior forma ba kudro mediu durante fulan hitu, husi ne’e sira aprende barak kona-ba umanidade Mundial, Dialetiku, oinsa atu halo funu tamba ne’e ami bolu fatin ida ne’e ba salaun cne para atu bele konsidera valor sira ne’ebe luta nain sira aprende iha fatin ne’eba no bele sai referensia ba sira atu kontinua ba mehi sira ne’e ba luta nain sira halo hodi libertasaun patria no povu.”
Prezidente Concelho Nasional Elecoens ka CNE Jose Agustinho da Costa Belo mos hateten naran salaun CNE Munsipiu lautem nee hanesan centru ida ba jerasaun foun sira atu konsentra hamutuk hodi diskute nasaun nia futuru.
“hau hanoin hanoin katak demokrasia hanesan centru ida no uma ida atu halibur ema hotu atu bele hare ba prespektiva ne’ebe iha, nune’e bele diskute no kolia klean kona-ba sentidu nasaun nian. tamba ne’e CNE hari hela mini salaun ida ne’e atu bele fasilita ema hotu-hotu atu diskute destinu nasaun nian no prepara ba jerasun foun sira atu utiliza salaun ne’e ba futuru.” Hateten Prezidente Concelho Nasional Elecoens ka CNE Jose Agustinho da Costa Belo
Entertantu :iha serimonia inagurasaun salaun itihula nee hetan Partsipasaun husi prezidnete CNE ho nia ekipa, reprezentante partidua politikus, conseilhu combatentes libertasaun Nasional munsipiu lautem Autoridade Munisipais lautem, Amo Paroguia Lospalos, Sosiedade Sivil no Repezentate Autoridade Komunitariu sira.
Jornalista;versy
Editor;EL
