Baucau 29/10/2024 Asosiasaun Radio komunidade Timor Leste ga ARKTL servisu hamutuk ho Sekertario Estado komunikasaun social ka SEKOMS fo formasaun konaba Mundo Dizitalizasaun ” Basic online fact-Cheking and Verfication and Media Literacy’’ ba Jornalista Radio komunidade sira kompostu husi Radio Comunidade Bucoli, Lautem, Manatutu, Viqueque, no Radio Lian Matebian Baucau, iha Salaun Radio Kolelemae Sahe Bukoli Baucau 29/10/2024
Prezidente ARKTL Prezado Ximenes iha abertura formasaun ne’e hatete, liu husi formasaun ida ne’e ARKTL hakarak hakbi’it jornalista sira nia kapasidade tekniku hodi servisu fiar an iha mundu Digitalizasaun nomos servisu nain ba media komunitario presija dejamina informasaun ne’ebe los no públiku ho diak ,
” iha biban ida ne’e ARKTL hakarak hakbi’it jornalista sira nia kapasidade tekniku hodi servisu fiar an iha mundu Digitalizasaun nomos servisu nain ba media komunitario presija dejamina informasaun ne’ebe los no ba públiku, liu liu utulizasaun ba media sosial nian ho diak tamba media sosial mosu informasaun oin oin no informasaun balun ema edit ne’ebe ema dezamina informasaun ne’ebe ke tama kategoria fake news ga atu bosok ema atu hamonu ema nia dignidade, manipula informasaun, entaun ita nia sosiadade barak mak konsumu tamba ne’e media komunitario mos iha kapasidade atu detekta informasaun ne’ebe ho los-los no informasaun ne’ebe la los”Dehan Prezidente ARKTL Tersa Feira (29/10/2024)
Diretor DNPDML Adriano Monteiro nebe loke ofisialmente ba formasaun ida ne’e hateten, SEKOMS Servisu hamutuk ho ARKTL oinsa atu hasa’e koinesementu jornalista radio komunidade sira hodi fahe informasaun diak ba komunidade sira no nia parte mos husu nafatin ba Partisipante sira ne’ebe mai husi Radio komunidade Rejiaun leste hamutuk besik rua nolu no enkunatu Materia ne’ebe faselita ba Jornalista sira mak hanesan Media literasia, Fake News, Hoax desinformasaun.
“ SEKoms Servisu hamutuk ho ARKTL oinsa atu hasa’e koinesementu jornalista radio komunidade sira hodi fahe informasaun diak ba komunidade sira tamba sira mak besik liu ita nia komunidade entaun sira mak hatene liu kondisaun real ita nia komunidade sira, tamba ne’e jornalista sira tenki badinas aprende ho dezenvolvementu ne’ebé mak la’o dadaun ne’e, ho formasaun ne’e hau husu jornalista sira fokus uituan atu nune’e fila karik iha netik bukae oan ruma hodi implementa iha kada instituisaun Radio komunidade ida idak” Hateten Diretor Adriano
Entertanto; Formasaun ida ne’e realiza tamba hetan apoio fundus husi SEKoms liu husi dirasaun nasional promosaun dezenvolvimentu media local honmontante orsamentu $ 6.494 nomos hetan partisipante hamutuk rua nolu .
Jornalista;sili
Editor;EL
