Lospalos rcl vp 11-11-2024 Ministério Comércio no Indústria ka (MCI) liu husi Centru Lojistico Nasionál (CLN), hala’o enkontru ho Autoridade Munisipál Lautém, ho objetivu, atu halo koordenasaun servisu ho diak hodi halo Intervensaun ba Foos iha Merkadu Munisípiu Lautém, iha Sala Gabinete, Prezidente Autoridade Munisipál Lautém.
Prezidente Autoridade Munisipál Lautém, Melio de Jesus iha Enkontru ne’e Hateten Subsidiu ne’ebé Governu atu lori mai iha Munisípiu Lautém, hodi halo intervensaun Foos sira iha Merkadu, tamba sira sosa iha Nasionál mai fa’an fali iha Merkadu Munisípiu Lautém ho folin ne’ebé karun , nune’e komunidade vulneravel sira laiha kbiit atu sosa.
‘Subsidiu ne’ebé Governu atu lori mai iha Munisípiu Lautém, hodi halo intervensaun Foos sira iha Merkadu, tamba sira sosa iha Nasionál mai fa’an fali iha Merkadu Munisípiu Lautém ho folin ne’ebé karuin , hodi ida ne’e komunidade vulneravel sira laiha kbiit atu sosa ho nune’e hau apela nafatin ba Governu liu husi Ministério Comércio no Indústria sei halo intervensaun Foos iha Merkadu, ne’ebé ho folin $.12, 50 Sentavus, nune’e husu ba CLN presiza kontrola Foos sira iha merkadu, maibé presiza mós atu halo sosializasaun antes distribuisaun halo intervensaun’’ Dehan Prezidente Autoridade Munisipál Lautém, Melio de Jesus 11-11-2024
Iha fatin hanesan Diretor Centro Logistico Nacional (CLN), Egidio Gimaraes mos hateten tan/ CLN mai atu halo koordenasaun servisu ho Prezidente Autoridade Munisipál Lautém, oinsá atu ezekuta programa Intervensaun Merkadu no deside loron, nune’e mós parte CLN aprezenta kuantidade Foos ne’ebé CLN mai halo intervensaun.
‘’hau mos esplika katak Fos ne’ebé CLN mai halo intervensaun Merkadu iha Munisípiu Lautém hamutuk 4400 sakas, kada saka ida $.12,50 sentavus, 25 Kg ho marka MCAE, nune’e mós hamutuk ho Fos lokál, ne’ebé sei distribui ba Postu sira hodi ida ne’e Komunidade sira Fan Foos iha merkadu folin duni, nune’e CLN mai halo Kaman ho provizoriamente, atu nune’e komunidade sira iha kbiit atu sosa Foos netik Foos hodi konsume ba vida moris nian hatan Diretor Centro Logistico Nacional (CLN), Egidio Gimaraes 11-11-2024
Entertanto;iha enkontru ne’e deside kedas loron lansamentu Fos nian, ne’ebé sei hala’o iha loron 19 Novembru 2024, ne’ebé sei hala’o iha resintu Autoridade Munisipál Lautém.
Jornalista;sili
Editor;EL
