Lospalos rcl vp 20-11-2024
Ministeriu Solidariedade Social No Inkluzaun ( MSSI) Liu Husi Centru Solidariedade Social No Inkluzaun Munisipiu Lautem (CSSIML) halao enkontru hamutuk ho linha Ministerial sira ,hodi kualia konaba Selebrasaun Loron Internasional Ba Ema Ho Difisiensia (Ehd) sira , Ne’ebe Sei Monu Iha Loron tolu (3) Fulan Dezembru Tinan Rihun rua rua nolu resin hat, iha salaun Centru solidaridade sosial No Inkluzaun Munisipio Lautém.
Diretur Centru Solidariedade Social No Inkluzaun Munisipiu Lautem Paulo Da Silva Pinto Hateten Selebrasaun Loron Internasional Ba Ema Ho Difisiensia Iha Munisipiu Lautem Ne’e Sei Halo Aktividade misa agradesimentu ,animasaun husi Ema ho difisiensia,puisia,musika no divertimentu palestra ba loron nasional refere, Inklui Sei Loke Balkaun Uniku Ba Sira Atu Halo Sira Nia Bileti Identidade No Sertidaun Rdtl.
” Selebrasaun Loron Internasional Ba Ema Ho Difisiensia Iha Lautem Ne’e Sei Halo Aktividade Oin-Oin Hodi Anima Komunidade Sira Inklui Sei Loke Balkaun Uniku Ba Sira Atu Halo Sira Nia Bileti Identidade No Sertidaun Rdtl no mos sei halao Aktividade Misa Agradesimentu, Divertimentu, Palestra Ba Loron Nasional Refere, Balkaun Uniku Nebe Notariadu Sei Prepara Atu Ita Nia Ema Ho Difisiensia Karik B.I Laiha Bele Produs Inklui Sertidaun Rdtl. Alende Ne’e Mos Iha Animasaun Husi Ema Ho Difisiensia Sira Rasik Mak Aprezenta Hanesan Puizia No Musica.” Hatan Diretur Centru Solidariedade Social No Inkluzaun Lautem Paulo Da Silva Pinto 20-11-2024
Diretur Ne’e mos Hatutan Tan Katak Loron Espesial Ba Ema Ho Difisensia Sei Hetan Partisipasaun Kada Postu Administrativu Ho Ema Nain sanolu Ne’ebe Mak Sei Mai Partisipa.
“Preparasaun Ba Loron Mundial Ba Ema Ho Difisiensia Ita Sei Identifika Ema Ho Difisiensia Kada Postu Ema Nain 10 Hamutuk Postu 6 Ema Hamutuk 60 Mak Sei Partisipa Loron Mundial.” Paulo Da Silva Pinto 20-11-2024
Entertantu;Total orasamentu ba selebrasaun loron mundial ba ema ho difisiente iha munisipio lautém Hamutuk Rihun Walu, Atus Hitu Tolu Nolu Resin Hitu, Centavos Lima Nolu ($ 8,737.50).
Jornalista : Vrli
Editor;EL
