Lospalos rcl vp 27-11-2024 Veteranus no marties nia Oan sira tenki asesu ba Eduksaun tamba kada tinan conceilhu combatentes da libertasaun nasional fo oportunidade nafatin ba veteranos no martires nia oan atu bele asesu UNTL no Bolsu Estudu ne’ebé mak Governu Timor leste prepara.
Secretariu Ezekutivu Conseilhu Munisipal Combatentes da Libertasaun Nasional Lautem Fini Ponta Leste husu ba publiku liu-liu ba kombatentes libertasaun Nasional sira tenki haruka nia oan sira ne’ebe remata ona iha Ensinu Secundariu hodi asesu ba Untl no bolsu estudu, tamba kada tinan ministeriu relevante sempre loke oportunidade ba sira.
“Ministerio Antigos Kombatentes da Libertasaun Nasional hamutuk ho Conceilhu Combatentese da Libertasaun Nasional iha Programa ba Edukasaun liga ba oan sira ne’ebe remata ona ensino Secundária atu bele asesu ba UNTL tamba Governu Timor leste prepara ba rejime espesial tinan tinan sempre iha .‘’ dehan Secretariu Ezekutivu Conseilhu Munisipal Combatentes da Libertasaun Nasional Lautem Fini Ponta Leste iha CMCLN Munisipio Lautém segunda-feira 24/11/2024
Fini mos hateten konaba regime espesial refere vale deit ba veteranos no martires sira nia oan, no laiha oportunidade ba beioan sira atu asesu ba regime espesial maibe governu mos iha programa espesial ba sira atu asesu ba fundos investimentu veteranos nian.
” Bajeia ba Estatuta hateten klaru katak kobre deit ba nia fen no oan maibe estado mos la haluha tamba ita nia ministerio antigo kombatentes liu husi conceilhu munisipal kombatentes libertasaun iha programa fundu investimentu ba veteranos tamba fundus investimentu diferente ho nia luta ba libertasaun nasional, ba nia fundu investimentu veterano nee nia beiona sira hetan too 7 gerasaun.”
Jornalista;Verli
Editor;EL
