Lospalos rcl vp 01-12-2024 Organizasaun non governamental (ONG) centru dezenvolvimentu juventude lautem kapasita foin sae sira hamutuk ema nain ne’en nolu resin hitu iha area lingua englesa.
Diretora ejekutivu centru juventude lautem Ruizina viegas informa, objetivu husi kapasitasaun ne’e atu prepara foin sae hodi kompete iha kampu de trabalhu iha futuru tamba joven mak sai autor ba prossesu dezenvovlvimentu.
“objektivu ba kapasita ne’e joven sira tenki promove skill ne’ebe aprende liu husi kapasitasaun lingua englesh hodi kompete ba kampu de trabalhu iha futuru, maibe labele sai autor ba krime iha sosiedade, tamba ami hakrak oinsa joven sira promove skill ne’ebe sira iha.”Diretora ejekutivu centru juventude lautem Ruizina viegas
Sorin seluk tutoria lingua englesh, Dominico dos santos fernandes hatutan, kapasitasaun ba foin sae sira ne’e atu kapasita sira liu husi lingua engles tamba lingua refere nudar lingua internasional tamba ne’e joven sira presija hatene.
“ami hakarak kapasita foin sae sira nia kapasidade ba iha prosesu dezenvolvimentu nian no ita hotu hatene katak lingua engles hanesan lian internasional ho razaun ne’e mak hakarak kapasita foin sae sira atu nune joven sira iha koinesimentu ba lingua refere no oinsa atu prepara foin sae sira hodi kontribui ba nivell edukasaun, no durante ne’e ita hatene katak, timor oan maioria hatene lingua engles maibe menoria mak uja lingua engles hodi kapasita joven sira iha prosesu dezenvovlvimentu agora ne’e entaun sai motivasaun ba hau atu reflete katak ho buat ne’e hau estuda ona iha area englesh nian tenki pratika hodi kapasita joven sira hodi asesu ba area Edukasaun nian.”hateten Dominico dos santos fernandes
Entretantu total ba estudante ne’ebe hetan ona graduasaun iha tinan ida ne’e hamutuk ema nian 67, kompostu husi feto hamutuk 49 no mane hamutuk 18 no ba graduasaun iha primeiru etapa nian hamutuk 37 kompostu husi mane 12 no feto 25, no iha segundo gradusaun hamutuk ema nain 30 komspostu husi feto 24, no mane nain 6 hetan gradua iha loron 29-11-2024.
Jornalista;Versisy
Editor;EL
