Lospalos rcl vp 04-12-2024 Ema Ho Difisiensia (EHD) Selbera Loron Mundia Ba Ema Ho Difisiensia Ba Dala Uluk Iha Lautem Ho Tema Mundial ” Haforsa Lideransa Ema Ho Difisiensia Ba Futuru Ida Nebe Inkluzivu No Sustentavel.”
Secretariu Munisipal Administrasaun No Financas Francisco Dos Santos Hateten Iha Nia Intervensaun Katak Ema Hotu Iha Direitu Hanesan Iha Lei Nia Oin. Tamba Ne’e Husu Ba Ema Hotu Atu Lalika Moe Ho Nia Kondisaun Difisiente Tamba Lei Inan No Konvensaun Garante Hela Sira Nia Direitu.
” Ema Hotu Iha Direitu Hanesan Iha Lei Nia Oin. Tamba Ne’e Husu Ba Ema Hotu Atu Lalika Moe Ho Nia Kondisaun Difisiente Tamba Lei Inan No Konvensaun Garante Hela Sira Nia Direitu tamba Liga Ho Tema Ne’e Inkluzivu Katak Governu Ka Agensia Tenki Hare Ema Hotu Hotu Hanesan Deit Labele Hare Ba Ema Nia Bonitu/A Riku Ka Kiak Maibe Tenki Akumula Ema Hotu Hanesan Deit no Dala Barak Ita Rasik Moe Ho Ita Nia Difisiensia Nebe Ita Iha No Izola Ita Nia Aan Dala Ruma Inan Aman Mos Moe Ho Ema Seluk Hodi Izola Labarik Sira, Tamba Iha Konstituisaun No Konvensaun Ita Nia Parlamentu Aprova Atu Ema Hotu-Hotu Fo Informasaun Ba Parte Relevante Atu Atende Ema Ho Difisiensia.”
Iha Fatin Hanesan Reprezentante Ema Ho Difisiensia Betty Da Costa Sente Kontente Ba Governu Tamba Bele Realiza Loron Mundial Ba Ema Ho Difisiensia Nia Iha Munisipiu Lautem.
” Hau Kontente Tebes Tamba Loron 03 Ida Ne’e Loron Mundial Ba Ema Ho Difisiensia Sira Pela Primeira Vez Governu Liu Liu Ministerio Solidariedade Social E Inkluzaun Fo Oportunidade Ba Ami Ema Ho Difisiensia Atu Selebra Loron Mundial Iha Munisipiu Hotu.”
Iha Sorin Seluk Xefe Unidade Assistensia E Inkluzaun Sosial Bensio Da Costa Belo Hateten Objektivu Husi Selebrasaun Ne’e Tamba Foin Mak Dala Uluk Iha Munisipiu Lautem Tamba Nee Ema Ho Difisiensia Sira Husi Kada Suku Husi Postu Administrativu Sira Mai Partisipa Hotu .
” Objektivu Atu Hakbesik Ema Ho Difisiensia Sira Nebe Mak Husi Suku Too Postu Mai Halo Selebrasaun Tamba Foin Mak Pela Primeira Vez Halao Iha Nivel Munispal Hotu Hotu Tamba Loron Importante Tebes No Espesial Ba Ema Ho Difisiensia Iha Timor Leste Inklui Iha Mundo Tomak.”
Entretantu Iha Selebrasaun Ne’e Ema Ho Difisiensia Hamutuk 60 Mak Partisipa Selebradaun Ne’e Husi Numeru Ne’e Kompostu Husi Kada Postu Administrativu Ida Iha Ema Nain sanolu 10.
Jornalista;Versi
Editor;EL
