Losaplos rcl vp 04-12-204 Vise-Primeiro Ministro, Ministro Koordenador ba Asunto Ekonómia e Ministro Turísmu no Ambiente, liu husi Diresaun Diretor Nasionál Peskiza Turísmu no Ambiente ho ekipa, hala’o audiénsia ho Prezidente Autoridade Munisipál Lautém, durante audiénsia ne’e ko’alia liu kona-ba dadus akomodasaun iha Munisípiu Lautém, konstrusaun ponte entrada Postu seguransa Postu Tutuala to’o fatin turizmu Valu-Sere Jaco no ko’alia mós fatin turizmu Com, audiénsia ne’e hala’o iha Gabinete Prezidente Autoridade Munisipál Lautém.
Prezidente Autoridade Munisipál Lautém, Melio de jesus hateten, Autoridade Munisipál Lautém iha ona planu, hahú iha loron 1 Janeiru 2025 komesa hala’o ona reseita husi distribuisaun turista nian, tanba iha loron 1 fulan Janeiru vizitante sira rihun ba rihun sei hala’o paseiu iha fatin Valu-Sere, Jaco no Com, tanba ida ne’e, Autoridade Munisipál Lautém orienta ona Diresaun Servisu Munisipál Jestaun Merkadu no Turismu Munisípiu Lautém, prepara bileti parke entrada nian, hodi nune’e vizita sira bainhira tama fatin turizmu komesa selu ona reseita.
Prezidente Autoridade Munisipál Lautém, salienta, parte Diresaun Nasional Turismu no Ambiente, atu servisu hamutuk ho Autoridade Munispál, nune’e iha futuru ekipamentu sira hanesan Kama iha ona, bele loke ona Festival Jaco, ne’ebé sei konvida nasaun internasionál sira hotu, atu nune’e bele haree fatin potensialidade turizmu nian, hodi bele atrai nasaun sira hodi bele halo investimentu iha fatin refere.
‘’fatin turizmu Jaco no Com, hahú iha loron 1 to’o 4 Janeiru 2025, turista lokál, nasionál no Internasionál sei nakonu, agora fatin Valu-Sere komesa pontu entrada iha ona, estasionamentu, postu seguransa no mós iha ona sanitáriu no Agora Ministériu apoiu hela autoridade Munisipál Lautém konstrui ona konstrusaun ponte Estrada Postu seguransa nian, no hau mós apartamentu ba fatin parajen, maibé hau mos seidauk hetan resposta husi Minsiteriu Adminsitrasaun Estata’’
Iha intervista, Diretor Diresaun Diretor Nasionál Pesikza Turísmu no Ambiente, José Filipe Dias Quintas hatutan, objetivu prinsipál enkontru ho Prezidente Autoridade Munisipál Lautém, ho Diretor Jestaun Merkadu Turismu, atu partilla informasaun, kona-ba dadus, ne’ebé relasiona ho akomodasaun iha Munisípiu Lautém, tanba agora daudauk Ministériu Turismu no Ambiente, hala’o hela survei ba dadus iha territóriu Timor laran tomak, atu bele hatene kapasidade akomodasaun liuliu Kama toba nian.
‘’Hau hakarak, atu atrai turista sira barak mai iha Timor-Leste, tenke Autoridade Munisipál Lautém ho Ministériu Turísmu no Ambiente, servisu hamutuk, nune’e bele reforsa baze dadus, tamba ida ne’e tenke iha kapasidade akomodasaun liuliu Kama toba nian,Tamba ida ne’e iha futuru, Governu sei prepara Kama hamutuk kuaze 300 resin, mai iha Munisípiu Lautém hodi ida ne’e komesa prepara dadus sira ne’e, tamba bainhira hala’o eventu boot ruma vizitasaun sira mós mai barak’’
Jornalista;Versi
Editor;EL
