lospalos RCL VP 14/01/2024= Diresaun Nasional Transporte Terestre Munisipiu Lautem durante ne’e laiha fatin nebe propriu atu Rai dokumentus tamba ne’e husu ba Autoridade Munisipal atu aselere prosesu konstrusaun Edifisiu Foun DNTT nian atu nune parte DNTT bele muda ona ba edifisiu foun hodi rai dokumentus ho diak//
” Diretur DNTT Munisipiu Lautem Eddy Correa de lemos nebe jornalista RCL hasoru iha nia serviso fatin segunda feira ne’e hateten durante ne’e laiha fatin nebe propiu atu Rai dokumentus ho nune’e nia parte espera katak iha tinan ida nee DNTT bele muda ona ba edifisiu foun nune’e bele sufisiente ona atu Ita bele Rai dokumentus sira” hateten Diretur DNTT Munisipiu Lautem Eddy Correa de lemos ba jornalista RCL iha nia serviso fatin Tersa feira 14/01/2025
No hatan ba prekupasaun nee Prezidente Autoridade Munisipiu Lautém Melio de jesus mos hateten projetu PDIM nebe antes nee tuir termu kontratu nebe asina katak atu finaliza iha 31 de dezembru maibe seidauk finalize Ho nune’e nudar Autoridade Munisipiu sei Konfirma nafatin ba kompnaha sira nebe kaer progetu refere atu nune’e aselere konstrusaun edifisiu DNTT nian iha fulan tolu nia laran bele konklui ona.
“projetu PDIM nebe antes nee tuir termu kontratu nebe asina katak atu finaliza iha 31 de dezembru maibe seidauk finalize Ho nune’e nudar Autoridade Munisipiu sei Konfirma nafatin ba kompnaha sira nebe kaer progetu refere atu nune’e aselere konstrusaun edifisiu DNTT nian iha fulan tolu nia laran no hau mos sei orienta nafatin ba Diretur PDIM atu kontrola nafatin ba projetu refere katak hakarak ka lakohi iha 31 de marsu tenki remata tamba ita extende tan ba fulan tolu ba sira nia kontratu atu bele finaliza obra refere.”
Entertantu tuir observasaun nebe jornalista nota katak dadaun nee Edifisu DNTT nian Ladun seguiru tamba dokumentus sira ne’e rai iha simente leten no balun rai iha kadera leten.
Jornalista : Veru
Editor :EL
