Lospalos RCL VP 13/01/2025 = Hahu husi fulan Janeiru too – Dezembro tinan 2024 diresaun munisipal koncervatoriu servisu registu notariadu munisipiu lautem hatama ona reseista hamutuk rihun tolu nolu resin walu atus neen rua nolu resin lima dollars Americano (38.625.00),ba Kofre stadu.
Director Munisipal Koncervatoriu servisu Registu Notariadu Munisipio lautem Amandio alves gomes informa reseitas nebe nia parte enkaixa ba kofre estadu hamutuk rihun 38 resin nee ba fulan neen nian maibe fulan neen seluk laiha atendimentu tamba laiha kaderneta.
“durante hahu husi fulan janeiru too Dezembro ami halo atendimentu ba pasaporte maibe husi abril too setembru iha problema ba kadernetas tamba nee laiha atendimentu nebe hahu fali iha outubru too dezembru. entaun iha fulan 6 nia laran ita hatama reseitas ba kofre estadu hamutuk 38 mil 625 dolares.” Dehan Quinta feira 09/01/2025
Amandio mos hateten , dadaun nee diresaun munisipal notariadu halao ona atendimentu ba publiku lao normal hodi fo atendimentu ba klientes sira nebe presija trata dokumentus hanesan sertidaun RDTL, BI, Rejistu kriminal no seluk tan.
” atendimentu publiku iha munisipiu lautem nian mak hanesan aplikasaun sertidaun nasimentu, guia de obitu, certidaun kazamentu b.i no certifikadu rejistu kriminal inklui mos pasaporte la’ o normal hanesan bain- bain.”
Entretantu :ba reseitas nebe notariadu enkaxa durabte fulan nee nia laran kompostu husi fulan janeiru too marsu 2024 hamutuk $ 29.300.00 husi fulan outrubru too dezembru $ 9.325.00.
Jornalista : Veis
Editor :EL
