Lospalos RCL VP 23/01/2025 = Atu garante Produsaun pekuaria higene, tenki Liu husi fatin matadoru atu nune’e produsaun naan bele saudavel no fresku//
Tekniku Superior husi Diresaun Nasional Teknoligia Profesional Pecuaria Venacio Oliveira hateten objektivu husi sensibilizasaun nee atu fahe informasaun ba tekniku agricultor sira liu-liu area pecuaria nian atu bele hare ba grupu no individu sira nebe iha interese atu halao aktividade produsaun pecuaria nian nune bele iha koinesimentu oinsa atu asegura produsaun pecuaria.
” objektivu atu sensibilizaun sistema servisu matadoru nian, no lisensiamentu aktividade ekonomika iha area pecuaria nian atu tekniku agricultor sira bele identifika ema sira nebe iha interese oho animal hodi faan, para atu fasilita sira. tanto kapasitasaun material no fasilidade atu nune kualidade matadoru no serbisu matadoru lao ho diak. labele depende deit ba importasaun husi rai liur oinsa bele ta iha produtu lokal hopdi bele tuir regra nebe iha.” Dehan iha Salaun Administrasaun Autoridade Munisipál Lautém Quarta Feira 22/01/2025
venacio oliveira mos hateten matadoru ne’ebe iha kada munisipio sira ne’e seidauk bele prense kriteria atu sai fatin matadoru maibe konsidera fatin ba oho animal tamba sira la priense kriteria hanesan menus rekursu no fasilidade ba matadoru nian seidauk kompletu.
” ita hare realidade iha kampu laos matadoru maibe fatin atu oho animal, se matadoru ita presija rekursu no fasilidade labele oho animal iha fatin fatin iha komunidade nia leet tamba nee fo impaktu ba komunidade nia saude nebe ida nee ita labele konsidera hanesan fatin matadoru tamba ida nee seidauk tama iha kategoria fatin matadoru nian.” Hateten venacio oliveira
iha fatin hanesan Administrador postu iliomar Fernando Cardosu de deus mos hateten sensibilizasaun nebe governu halo dadaun nee prepara ba futuru nune bele kria kondisaun nebe diak liu- liu oinsa halo fatin matadoru nebe seguru ba komunudade sira atu halo aktividade pecuaria nian.
“iha tinan uluk iha ona sensibilizasaun sobre pecuaria no veterinaria agora ba matadoru nian prosesu preparasaun ba nia fatin sira. tuir prosesu maibe iha nia vantagen bot ba estado no komunidade. Tamba ne’e sensibilizasaun nebe governu halo dadaun nee prepara ba futuru nune bele kria kondisaun nebe diak liu- liu oinsa halo fatin matadoru nebe seguru ba komunudade sira atu halo aktividade pecuaria nian “.hateten Administrador postu iliomar Fernando Cardosu de deus
Entertantu : Diresaun Tekniku Nasional Pecuaria no Veterinaria husu ba agricultura munisipiu lautem liu-liu tekniku area pecuaria nian atu hadia fatin oho animal nune bele kontrola no seguru ba ema hotu.
Jornalista : VerDi
Editor : EL
