Lospalos RCL VP 23/01/2025 = Ministerio Eduksaun serviso hamutuk ho Manorin nain sira hodi fahe rezultadu servisu ne’ebé alkansa no dezafius ne’ebé durante infrenta iha tinan 2024, ne’ebé divulga ba planu Asaun Anuál ba Orsamentu Jerál Estadu husi Ministériu Edukasaun nian ba iha tinan 2025, iha Salaun Jinajiu Lospalos Munisipiu Lautém.
Prezidente Autoridade Munisipál Lautém, Melio de Jesus iha Abertura ne’e , hateten, Edukasaun mak sai xave importante tebes ba futuru nasaun nian no futuru ba jerasaun nian , nune’e bele forma rekursu umanu ne’ebé di’ak atu nune’e iha futuru bele dezenvolve nasaun ida ne’e ho di’ak.
” Edukasaun mak sai xave importante tebes ba futuru nasaun nian no futuru ba jerasaun nian , nune’e bele forma rekursu umanu ne’ebé di’ak atu nune’e iha futuru bele dezenvolve nasaun ida ne’e ho di’ak’’ dehan Prezidente Autoridade Munisipál Lautém, Melio de Jesus iha Salaun Jinajiu Lospalos Munisipiu Lautém ,segunda feira 20/01/2025
Prezidente Autoridade Munisipál Lautém, mos hateten kona-ba Setor Edukasaun nian iha Munisípiu Lautém, sai problema boot liuliu infraestrutura báziku no mobiliariu sira hanesan kadeira no meza, enkuantu kona-ba infraestrutura seidauk iha kondisaun dignu ba estudante no Professor/a sira,
” kona-ba Setor Edukasaun nian iha Munisípiu Lautém, sai problema boot liuliu infraestrutura báziku no mobiliariu sira hanesan kadeira no meza, enkuantu kona-ba infraestrutura seidauk iha kondisaun dignu ba estudante no Professor/a sira maibé Governu lokál liu husi Autoridade Munisipál Lautém nafatin tau osan liu husi Programa Nasionál Dezenvolvimentu Suku (PNDS), nune’e mós Planu Dezenvolvimentu Integradu Munisipál (PDIM) ne’ebé konsidera nafatin hodi responde, inklui mós parseiru sira hanesan JICA, UNDP ne’ebé apoiu hodi konstrui edifísiu eskola sira, aleinde ne’e mós iha tempu badak Governu Japaun liu husi Embaixada Japaun iha Timor-Leste sei konstrui edifísiu foun Eskola Baziku Central Koro-Asu ne’ebé lokaliza iha Postu Administrativu Lore, Munisipiu Lautem, ne’ebé iha ona asina kontratu’’ . hateten Melio de Jesus
Entertantu : Ministériu Edukasaun iha ona programa kona-ba bolsu kandidatura liu husi mekanizmu teste, tamba hakarak edukasaun sai kualidade iha futuru profesór sira tenke liu husi teste, atu nune’e sira bele iha profisionál ba prosesu aprendizajen ho di’ak ba estudante sira, tanba iha futuru nasaun atu sai di’ak presiza manorin na’in sira ne’ebé kualifikadu.Prezidente Autoridade Munisipál Lautém mos orienta ona Diretor Servisu Munisipál Edukasaun Munisípiu Lautém, atu rekolla dadus kona-ba eskola sira ne’ebé sei falta mobiliariu iha aula aprendizajen nian.
Jornalista : Sier
Editor : EL
