Lospalos RCL VP 21/02/2025 = Diresaun Servisu Munisipal Transporte Terestre Munisipiu lautém ho Ekipa Seksaun Manutensaun Sinais Tranzitu Nasional kontinua reforsa monta sinais tranzitu nian iha kapital Munisipiu lautém.
Motorista tum-tum ,Marito Savio , Orgulu ba Servisu Diresaun Transporte Komunikasaun Munisipiu Lautem , tamba monta ona sinais trazitu iha kapital hodi fo atensaun ba motorista transporte publiku no privadu sira atu lao tuir
” hau sente orgulu no apresia tebes ba servisu DNTT Lautem nian ,nebe instala ona sinais tranzitu iha fatin publiku sira atu nune transporte hanesan tum-tum, motor, kareta bele hatene hodi kumpri dalan nebe atu liu no ida nebe bandu labele liu nune bele hamenus dezastre trafiku nian.”
iha sorin seluk Chefe Seksaun Manutensaun Sinais Tranzitu Joao Euzenia Cabral Da Silva hateten, hamutuk ho nia ekipa mai monta sinais iha munisipiu lautem nee tuir pedido husi diresaun munisipal hodi haforsa sinais nebe antes nee sira monta ona.
” monta sinais nee tuir pedidu husi DNNT Lautem ,nebe hato’o ba Nasional nune ami mai monta iha nee , ao mesmo atu survei fatin nebe foun presija tau sinais tan.”
Diretur Servisu Munisipal Transporte terestre Munisipiu Lautém Eddy Correa de Lemos hateten, sinais Tranzitu ne’ebe nia parte hamutuk ho ekipa nasional monta iha kapital lospalos vila ho objektivu atu fo sinal ba motorista transporte publiku no provadu sira atu kumpri tuir lei nebe mak iha.
” ohin ekipa nasional mai monta sinais atu reforsa tan sinais nebe antes monta ne’e Diresaun munisipal nafatin firme ho nia pozisaun katak wainhira motorista sira nebe viola regras tranzitu sei aplika tuir lei nebe iha, kuando grave liu ami sei suspende sira nia karta kondusaun tamba diresaun nia papel atu hare ba atitude no displina ba motorista sira nian no sinais nebe mak estadu tau iha obrigasaun para atu kumpri se la kumpre sei toma nia konsequensia.”
Entretantu: sinais tranzitu nebe diresaun monte hamutuk 18 hahu husi diresaun bemoris, central, ebf n° 1, no 2, rotunda titer, ebc centru lospalos, inklui iha edifisiu diresaun transporte munisipiu lautem.
Jornalista : Nitver
Editor : EL
