Lospalos RCL VP 26/02/2025 =Komunidade Lautem preokupa ho kondisaun ponte Motolori ,tamba ekipamentus ba ponte refere hahu fruzu, no kuak, no bele difilkuta ba movimentasaun transporte publiku no privadu sira wainhira liu ponte refere
Komunidade ho naran Deonildo Boavida Caitanu hateten,nia parte husu nafatin ba parte kompente atu bele toma atensaun ba Ponte Motolori lospalos nian tamba durante kareta no motor sira liu tinan barak ona no ponte ida ne’e mos hahu fruju no kuak,maibe sei nafatin liu bebeik bele fo asidente nebe ita la espera wainhira transporte sira liu
‘’hau husu nafatin ba parte kompente atu bele toma atensaun ba Ponte Motolori lospalos nian tamba durante kareta no motor sira liu tinan barak ona no ponte ida ne’e mos hahu fruju no kuak,no nafatin liu bebeik bele fo asidente nebe ita la espera wainhira transporte sira liu,no liu husi ida ne’e hau husu ba parte nebe relevante bele buka meios oinsa bele rezolve lalais ida nee para komunidade sira lao ho seguru
hatan ba kestaun ne’e, Prezidente Autirodade Munisipal Lautem Melio de Jesus konfirma katak, nia parte orienta ona ba servisu Munisipal Obras Publika Lautem sei monta sinais ba estrada sira nebe fo risku ba komunidade sira.
” hau orienta ona ba Diretor Servisu Munisipal Obras Publikas no Diresaun Transporte para atu tau sinais ba estrada refere,tamba prosesu adiantamentu orsamentu kuando levanta ona sira komesa tau ona sinais ba fatin sira nebe fo risku no mos fatin sira nebe sei halo konstrusaun.”
Entretantu: Ponte Motolori lospalos nee hetan konstrusaun husi governu japaun nahe ho besi no hahu fruzu no kuak ona tamba liu ona tinan 20 resin maibe too ohin loron seidauk iha rehabilitasaun.
Jornalista : Versi
Editor : EL
