Lospalos RCL VP Atu Hasae Produtividade Agrikultura Sustentavel,Serviso Municipal Agrikultura Munisipiu Lautém hamutuk ho Emprejariu Auto Zone , Distribui Makina Kuda Hare ho Unidade ida (1) ba Agrikultura sira iha Postu administrative luro,Munisipiu Lautém
Xéfi grupo Agrikultura Nautetu Postu Administrative luro,Munisipiu Lautém Alsina Soares ne’ebe jornalista RCL hasoru iha Postu Luro hateten nia parte sente kontente tamba serviso Agrikultura Munisipiu Lautém hamutuk ho Emprejariu Auto Zone , fo Makina Kuda Hare ba sira tamba liu husi makina kuda hare ne’e bele minimija sira nia forsa trabalho tamba durante ne’e sira kuda Here ho liman deit //
” hau sente kontente tamba serviso Agrikultura Munisipiu Lautém hamutuk ho Emprejariu Auto Zone , fo Makina Kuda Hare ba ami tamba liu husi makina kuda hare ne’e bele minimija Ami nia forsa trabalho tamba durante ne’e ami kuda Here ho liman deit ,tamba ne’e ami sente konteten tebes tamba liu husi makina ne’e bele reforsa tan Ami nia serviso ”. Dehan Xéfi Grupo Agrikultura Nautetu Postu Administrative luro,Munisipiu Lautém Alsina Soares quinta feira 27/02/2025
Xefi suku Luro Postu administrative luro Munisipio lautém Marsiano Rafael sabino mos hateten nia parte Agradese ba parte governu tamba bele apio makina kuda hare ba grupo nautetu hodi bele Responde ona agrikultura sira nia Problema //
”Hau agradese tebes ba Governu tamba liu husi programa HAPAS bele apoiu makina kuda here ba Ami nia agrikultura sira Hodi bele Responde ba Ami nia Agrikultores sira nia problema tamba ne’e hau husu nafatin ba agrikultura sira atu bele kuida nafatin makina kuda hare ne’e nune’e bele utiliza ba tempu ne’ebé naruk’’ hateten Xefi suku Luro Postu Administrative Luro Munisipio Lautém Marsiano Rafael sabino
Iha fatin hanesan Córdinador Extensionista Postu luro Norbertu Gama mos hateten makina Hare nebe mak Governu liu husi programa HAPAS fo Ba Agrikultura postu Luro nian ne’e atu bele fasilita ba grupo agrikultura sira hodi bele Produsaun Aihan Local ho diak
” makina Hare nebe mak Governu liu husi programaa HAPAS fo Ba Agrikultura postu Luro nian ne’e atu bele fasilita ba grupo agrikultura sira hodi bele halo Produsaun Aihan Local ho diak no Ami nudar tekniku mos pronto nafatin akompanha sira hodi fo asistensia tekniko wanhira agrikultores sira presija’’ . Hateten Córdinador Extensionista Postu luro Norbertu gama
Entertantu : makina kuda hare ne’e ho Modelo FM WORLD@ZS-4 no makina ne’e sei fasilita ba Grupo hamutuk lima mak hanesan Nautetu,Moris kiak buka moris no grupo NUR no inklui mos ba Grupo sira seluk ne’ebe mak pertense iha Postu Luro
Jornalista : Ver
Editor : EL
