Lospalos RCL VP 10/03/2025 = Ponte Motolori ne’ebe Pertense iha suku Fuiloro Postu Adminsitrativo Lospalos Munisipiu Lautém hahu Aat hodi fo ameansa ba movimentasaun Transportu Publiku no privadu sira, tamba nee Administrador Postu Administrativu Lospalos ( Apa Lospalos) husu ba diresaun servisu Transporte Terestre Munisipiu Lautem atu bele Monta Sinais Bandu iha ponte refere nune’e fo atensaun ba komunidade sira//
Administrador Postu Administrativu Lospalos Munisipiu Lautém Oldericu coimbra husu diresaun servisu transporte terreste munisipiu lautem atu aselere hodi monta sinais bandu ba fatin ne’ebe fo ameansa ba komunidade sira nia movimentasaun
” ita halo ona kordensaun depois de simu orientasaun husi prezidente autoridade ita kordena kedas ho parte trasporte katak aban no bain rua sira komesa tidin ona sinais iha ponti refere ‘’. Dehan apa lospalos Oldericu coimbra hafoin hamutuk ho kompanha sira normaliza ponte horo iha motorlori.
Oldericu coimbra mos hateten monta sinais iha ponte refere ho objektivo atu fo atensaun ba movimentasaun trasporte publiku liu-liu tranporte kiik sira nebe merese atu liu no transporte nebe bandu atu labele liu.
“Monta sinais iha Ponte Motolori nune’e bele fo atensaun ba kareta ne’ebe Atu liu ho nia pezu 5 ton mai kraik bele liu, mais maximu 5 ton ba leten ita hadia dalan ida nee mak sira bele liu husi nee nune labele difikulta movimentasaun.” Hateten Oldericu Coimbra
Diretur servisu Munisipal Transporte Terreste Munisipiu Lautem Eddy Correa de lemos mos haterten nia parte dadaun nee hahu prepara sinais bandu hodi monta.tamba tuir observasaun hatudu katak ponte refere hahu aat no labele ona atu simu kareta nebe ho pezu ton liu 10.
” preokupasaun komunidade no autoridade lokal sira agora dadaun ami prepara hela parese ohin ka aban ami monta iha neba para atu fo atensaun ba motorista sira atu kuidadu tamba ho kondisaun agora labele simu kareta nebe ho ton 5 ba leten “ .hateten Diretur servisu Munisipal Transporte Terreste Munisipiu Lautem Eddy Correa de lemos
Entretantu : antes Ponte motolori Aat Parte DNTT Munisipiu Lautem mos monta ona sinais bandu iha ponte refere maibe hetan Estragos husi Ema Deskonesidu.
Jornalista : Ver
Editor : EL
