Lospalos RCL VP 13/03/2025 = Komunidade Munisipiu Lautem lamenta ho atendimentu servisu munisipal Koncervatoriu Registu Notariadu Munisipiu Lautem nian , tamba aplika fali sistema versaun foun ba Bilete Identidade ( BI)
Abitante ho naran ,Aleixo da Costa hateten, atendimentu servisu munisipal koncervatoriu Registu Notariadu Munisipiu Lautém,agora dadaun aplika fali sistema foun liu-liu ba BI nian. no simu klientes sira ho limitadu.
” Atendimentu servisu Munisipal Koncervatoriu Registu Notariadu Munisipiu Lautem,agora dadaun aplika fali sistema foun liu-liu ba BI nian. no simu klientes sira ho limitadu tamba , ne’e too iha tinan 2029 mak mate maibe tenki renova serake ida nee la validu ka oinsa mak tenki mai renova. No ba pasaporte mos loron ida atende 20 pessoas deit serake loron ida laos ema ida rua deit mak mai maibe barak mak mai tamba saida mak atende 20 pesoas deit.”
hatan ba lamemtasaun ne’e Diretor Interinu Servisu Munisipal Konservatoriu Registu Notariadu Sabino Dias Quintas mos hateten Nia Parte seidauk bele Domina Sistema versaun foun refere tamba ne’e loron ida sira sei atende klientes ho Minimu.
Sabino mos hateten liu husi sistema versaun foun nee nia parte mos relata ona ba Diresaun Geral atu fo formasaun ba funsionariu sira konaba operasaun sistema refere nune sira bele hatene hodi fo atendimentu ho lalais ba klientes sira.
” mudansa de sistema tamba sistema versa tuan nee aplika ba fali sistema versaun foun entaun sistema ida tomak ami la halo operasaun ba sistema foun nee, ami mos seidauk familiar ho sistema nee. tamba foun nkluis rede Entaun ami labele atende klientes too 100 maibe too deit 20 too 30.” Ho kestaun ida ne’e Ami mos relata ona ba Diretur Jeral atu fo formasaun ba sistema foun nee, Nune ita bele atende lalais ita nia inan aman sira” .hateten Diretor Interinu Servisu Munisipal Konservatoriu Registu Notariadu Sabino Dias Quintas
iha fatin hanesan komisariu asuntu disiplinar husi komisaun funsaun publika Agapito da Conceicão mos hateten nia parte sei relata problema servisu Munisipial sira hotu iha lautem nian ba iha konseilhu Ministru no ministeriu relvantes sira atu bele responde
” Ami sei halo relatoriu hotu konaba preokupasaun sira nebe kada diresaun infrenta nee no ami nia ekipa mos sei aprezenta ba konseilhu Ministru no ba Ministeriu tutela sira nune’e bele responde fasilidade nebe menus no rekursu nune’e sira bele halo kompleta.” dehan komisariu asuntu disiplinar husi komisaun funsaun publika Agapito da Conceicão hafoin halao vizita ba kada diresaun iha Munisipio Lautém
Entretantu: tuir observasaun ne’ebe Jornalista sira nota iha terenu katak, kada loron klientes kontinua barak iha servisu Munisipal koncervatoriu Registu Natariadu Lautém tamba hahu aplika sistema foun hodi fo atendimentu ba klientes sira.
Jornalista : versi
Editor : EL
