Lospalos RCL VP 03/04/2025 = kombatentes no martires hirak nebe naran sai ona iha lista edital, hahu trata rekerimentu ba pensaun Dentru loron sia nolu ( 90) nia laran.
Secretariu Ezekutivu CMCLN Munispiu Lautem Acasio Fini Ponta Leste informa, kombatentes no martirez nebe naran taka sai ona iha lista edital iha segundu registu nian nee sei hahu hatama ona rekerimentu ba pensaun nian.
” iha fulan abril nia laran ne’e ami sei kontinua rekerimentu ba pensaun ba sira nebe naran taka iha lista edital sira,no sira sei hatama rekerimentu pensaun hahu iha fulan abril to’o 31 de julhu tinan nee ,tamba ne’e hau husu ba kombatentes no martires ou nia familia bele mai hatama ona rekerimentu pensaun iha 90 dias nia laran.” Acasio Fini Ponta Leste dehan mai ita
secretariu nee dehan, atu prosesa rekerimentu pensaun ne’e bazea ba kombatentes no martires sira nian , inklui sobre viventes sira nia eskalaun.
” lista edital taka ona sira bele mai halo prosesu rekerimentu tuir nia kriteria idak idak kuando nia simu ninia rasik tamba iha pensaun espesial ba reforma grau 1 eskalaun 1, ba 20 a 24 ho nia kriteria rasik pensaun espesial reforma 15 a 19 ho nia kriteria rasik ho 8 a 14 hamutuk ho sobre vivensia sira.”
Jornalista : Ver
Editor :EL
