Lospalos RCL VP 09/04/2025 = Atu hasae produsaun hare iha munisipiu lautém ,Governu fasilita makina hand traktor kuda hare no makina kua hare ba Agrikultura sira atu bele bele hasa’e produtividade agrikultura ho produsaun Hare nune’e bele garantia hodi sustenta Ai Han Lokál ba iha komunidade sira iha postu Administrativo Luro munisipio lautém
Prezidente Autoridade Munisipál Lautém, Mélio de Jesus, nebe jornalista sira hasoru iha postu luro hateten nia parte lori Povu Munisípiu Lautém nia naran agradese ba Nonu Governu Konstituisionál liu husi Ministériu Agrikultura Pescas Pekuaria no Floresta ne’ebé servisu hamutuk ho Banku Mundiál no SAPIP, ne’ebé apoiu Grupu Agrikultura sira iha Munisípiu Lautém liuliu iha Postu Administrativu Luro, hanesan Koa Hare no Kuda Hare nian.
‘’ Hau lori Povu Munisípiu Lautém nia naran fo Agradese ba Nonu Governu Konstituisionál liu husi Ministériu Agrikultura Pescas Pekuaria no Floresta ne’ebé servisu hamutuk ho Banku Mundiál no SAPIP, ne’ebé apoiu Grupu Agrikultura sira iha Munisípiu Lautém liuliu iha Postu Administrativu Luro, hanesan Koa Hare no Kuda Hare nian.No Liu husi apoiu sira ne’e hanesan pasu ida ne’ebé importante tebes ba Grupu Agrikultura sira iha Munisípiu Lautém liuliu iha Postu Administrativu Luro, oinsá Grupu Agrikultura sira atu hasa’e produsaun Hare iha Munisípiu Lautém liuliu Postu Administrativu Luro, tanba ita-nia espetativa hakarak fornese ba iha Merkadu maibé sei iha prosesu nia laran, maibé produsaun ne’ebé iha ona hodi bele sustenta Ai Han Lokál ba iha komunidade sira iha Munisípiu Lautém liuliu Postu Administrativu Luro’’. hateten Prezidente Autoridade Munisipál Lautém, Mélio de Jesus Tersa-feira, 8 /04 2025
Prezidente Autoridade Munisipál Lautém mos husu Grupu Agrikultura sira ne’ebé mak hetan ona ekipamentu modernu sira, presiza kuidadu ba Makina sira nebe mak iha no bele , utiliza didi’ak atu nune’e durasaun ho mákina bele dura ho tempu nebe naruk, hodi nune’e bele hasa’e produtividade Hare iha Postu Administrativu Luro Munisípiu Lautém.
‘’hau husu Grupu Agrikultura sira ne’ebé mak hetan ona ekipamentu modernu sira, presiza kuidadu ba Makina sira nebe mak iha no bele , utiliza didi’ak atu nune’e durasaun ho mákina bele dura ho tempu nebe naruk, hodi nune’e bele hasa’e produtividade Hare iha Postu Administrativu Luro Munisípiu Lautém .ni no husu ba ba Governu liu husi Ministériu Agrikultura Pescas Pekuaria no Floresta, tau Orsamentu mós ba moru protesaun mota boot ne’ebé prejudika natar sira tamba iha tempu udan mota sempre lori rai-henek mai taka natar sira hodi Agrikultura sira laiha vontade atu hala’o natar’’. hateten Prezidente Autoridade Munisipál Lautém melio de Jesus
Iha fatin hanesan, Vise-Primeiro Ministro, Ministru Koordenador Asuntu Sosiais no Ministru Dezenvolvimentu Rural no Habitasaun, Mariano Sabino “Assanami”, mos hateten , Grupu Agrikultura sira tenke servisu hamutuk, tamba ekipamentu sira ne’e sei mai tan.
‘’ Grupu Agrikultura sira tenke servisu hamutuk, tamba ekipamentu sira ne’e sei mai tan ho nunee importante mak imi tenke servisu hamutuk buka dalan di’ak, hodi fó apoiu ba Prezidente Autoridade Munisipál Lautém, apoiu servisu laran no fuan, tanba ida ne’e, Vise-Primeiro Ministro husu Grupu Agrikultura sira buka natar ne’ebé sei abandona hela, apoiu malu atu loke fali natar hodi kuda Hare ’’ .hateten Vise-Primeiro Ministro, Ministru Koordenador Asuntu Sosiais no Ministru Dezenvolvimentu Rural no Habitasaun, Mariano Sabino “Assanami”
Entertantu Ekipamentu sira ne’e hetan apoiu husi Banko Mundial hodi kontinua apoia ba programa Ministériu Agrikultura Pescas Pekuaria no Floresta (MAPPF/SAPIP hodi fasilita Grupu Agrikultura sira nune’e bele hasa’e produsaun no produtividade Hare, Makina sira ne’ebé Grupu Agrikutura sira hetan maka hanesan, Kuda hare hamutuk 8, Hand Tratór hamutuk 4 no Mákina Integradu Kua Hare, no hare kain sai kompos 4 no trai viveirus 4700 buah, grupu hamutuk 4 mak simu ekipamentu sira ne’e hanesan Grupu Moris Ki’ak, Grupu Hari’i Futuru, Grupu Nur no Grupu Nautetu.
Jornalista :Linda
Editor : EL
