Lospalos RCL VP 23/04/2025 = Ministériu Komérsiu Indústria (MKI), hala’o enkontru ho emprezáriu lokál sira iha Munisípiu Lautém kona-ba Business Gathering nian, ho tema “Hametin Setor Privadu Hodi Dinamiza Ekonómia Ne’ebé Sustentavel Seguru no Rezilente” ne’ebé hala’o iha Salaun Parókia Lospalos
No objetivu ba sorumutu ida ne’e ,atu halibur Emprezáriu sira ne’e, atu fahe hanoin no bele hamosu krítiku sira husi emprezáriu lokál sira, oinsá atu dezenvolve ekonomia liu husi kontribuisaun reál hodi define filafali papél setór privadu sira, tanba Setor Privadu mak nu’udar mákina ba dezenvolvimentu ekonomia iha Timor-Leste, espesiál iha Munisípiu Lautém,
Prezidente Autoridade Munisipál Lautém Interinu, fransisko do santos iha Aberura enkotru ne’e hateten , Nia parte agradese ba Ministru Komérsiu no Indústria (MKI) ho ekipa mai iha Munisípiu Lautém hodi bele halibur emprezáriu sira, atu fahe hanoin ba emprezáriu Gathering no emprezáriu konstrusaun sira.
fransisko do santos mos hateten , Ministru Komérsiu Indústria (MKI) ho nia ekipa hala’o sorumutu enkontru hodi ko’alia kona-ba Gathering, ne’ebé sei esplika kle’an husi Ministru Komérsiu no Industria, atu nune’e bele intende ho didi’ak, nune’e bele suporta Governu no Autoridade Munisipál iha parte Dezenvolvimentu nian.
‘’ Hau agradese ba Ministru Komérsiu no Indústria (MKI) ho ekipa mai iha Munisípiu Lautém hodi halibur emprezáriu sira, atu fahe hanoin ba emprezáriu Gathering no emprezáriu konstrusaun sira. No iha sorumutu enkontru oda ne’e ita sei ko’alia kona-ba Gathering, ne’ebé sei esplika kle’an husi Ministru Komérsiu no Industria, atu nune’e bele intende ho didi’ak, nune’e bele suporta Governu no Autoridade Munisipál iha parte Dezenvolvimentu nian.Tanba ne’e, ita hotu tenke konsisten ho regra sira ne’ebé prega ona ba emprezáriu konstrusaun no emprezáriu loja no emprezáriu Gathering nian, tanba ida ne’e Ministériu Komérsiu no Indústria bele hala’o atividade ida ne’e ho emprezáriu no halibur Emprezariu no Business Gathering, ne’e ho intensaun hodi koloka nafatin papél importante husi setór privadu sai nu’udar mákina ba dezenvolvimentu ekonómiku iha Timor-Leste’’ dehan Prezidente Autoridade Munisipál Lautém Interinu, fransisko do santos tersa feira 22/04/2025
Iha sorin seluk, Ministru Komérsiu no Indústria (MKI), Nino Pereira hateten, objetivu prinsipál ba enkontru kona-ba Business Gathering nee ,hodi halibur Emprezariu sira atu fahe hanoin liu husi enkontru emprezáriu sira, nune’e bele hamosu hanoin ne’ebé krítiku oinsá ita bele dezenvolve ita-nia ekonomia.
‘’ objektivu prinsipál ba enkontru kona-ba Business Gathering hodi halibur Emprezariu sira atu fahe hanoin liu husi enkontru emprezáriu sira, nune’e bele hamosu hanoin ne’ebé krítiku oinsá ita bele dezenvolve ita-nia ekonomia.No liu husi diversifikasaun ekonomia ne’e , ita bele diversifika mós ita-nia negósiu, tanba ita tenke rekoñese katak, iha área potensialidade lubuk ida maka kada Munisípiu iha, nune’e bele tau atensaun husi setór privadu sira hodi bele haree.
Iha oportunidade ida ne’e mós importante tebes, ba atividade ne’ebé organiza husi Ministériu Komérsiu no Indústria hamutuk ho parseiru sira seluk ne’ebé fokus ba iha dezenvolvimentu ekonómiku, tanba tuir dadus ne’ebé fó sai husi Banku Central Timor-Leste (BCTL) hatudu rezultadu ne’ebé pozitivu, maski dinamiza ba atividade ekonómiku ida ne’e sei mai husi Setor públiku’’ hateten Ministru Komérsiu no Indústria (MKI), Nino Pereira
Entertantu :Enkontru kona-ba Business Gathering nian ne’e lao ho diak tamba hetan partisipasaun masimo husi Autoridade Local, Emprejariu lokal no .sosidade sivil sira iha Munisipiu lautém
Jornalista : Lysy
Editor : EL
