Lospalos RCL VP 06/05/2025 =Motorista Tum-tum sira iha munisipiu lautém prokupa ba kondisaun estrada vila lospalos ne’ebe nakfila ba tahu wainhira tempu udan Monu rai.
Motorista Tum-tum Marito savior nebe jornalista sira hasoru iha vila lospalos hateten nia parte sente triste tamba kondisaun estrada lospalos vila nebe kontinua aat no namdoras iha tempu udan difikulta movimentasaun transporte publiku no privadu atu asesu ba Merkadu.Tamba ne’e nia parte husu ba Autoridade lokal sira atu hare ba kondisaun estrada iha vila lospalos tamba kada tinan kondisaun estrada Aat ba beibeik.
” Hau sente Triste tamba Ita nia estrada husi merkadu mai vila lospalos nee namdoras nebe difikulta ba ami sira nebe mak lori tum-tum tamba ne’e hau husu nafatin ba governu lokal atu iha tempu udan nia laran nee bele ateru didiak estrada nebe kuak sira atu nune labele difikulta ba transporte publiku no privadu sira “.hateten Motorista Tum-tum Marito savior ba jornalista sira iha vila lospalos segunda feira 05/05/2025
Hatan ba Preokupasaun ne’e ,Administrador Postu Administrativu Lospalos Olderico Coimbra mos hateten nia parte sei relata prekupasaun ne’e ba servisu Munisipal Obras Publika Munisipiu Lautém atu hola Medida oinsa buka meios hodi ateru ho karater orizente.
Alende ne’e oleriko koimbra mos hateten nia parte mos sei konfirma ho kompanha lokal sira atu halo Rehabilita ho karater origente ba estrada nebe kuak nune labele difikulta movimentasaun transporte publiku no privadu sira .
” Ita husu Ona ba Obras Publika katak atu hare ba ida nee iha kompanha ida ne’ebe mak atu hare ba manutensaun estrada maibe kontratu hotu ona tamba ne’e ita mos halo ona konrdenasaun ho kompanha lokal sira atu bele kontribui maibe sira mos sei hein udan tamba udan para lai mak sira sei tula rai mutin provizoriamente taka estrada kuak sira nee.” Hateten Administrador Postu Administrativu Lospalos Olderico Coimbra
Entertantu :Relasiona ho preokupasaun nee jornalista seidauk halo konfirmasaun ho servisu munisiapal obras publika Munisipiu lautem tamba okupadu ho serbisu seluk.
Jornalista : Veru
Editor : EL
