Lospalos RCL VP 19/05/202 =Autoridade Munisipál Lautém, Partisipa Feira Nasionál kona-ba Expozisaun Dezenvolvimentu Governasaun Lokal nian, hodi selebra Aniversáriu 20 de Maio ba dala-23 Restaurasaun Independénsia Repúblika Demokrátika Timor-Leste ne’ebé ho tema Jerál “Hametin Paz no Dezenvolvimentu” iha Portu Díli.
iha ámbitu partisipasaun Feira Nasionál Expozisaun Dezenvolvimentu Governasaun Lokál, Autoridade Munisipál Lautém aprezenta atividade sira ne’ebé hala’o iha área oioin hanesan Dezenvovlimentu infraestrutura kona-ba projetu Planu Integradu Munisipál (PIM) 2024, programa husi PNDS nian, nune’e mós iha área Agrikultura, Turismu, Saúde, Edukasaun no área sira seluk.
Autoridade Munisipál Lautém, liu husi Diresaun Servisu Munisipál Agrikultura Munisípiu Lautém, aprezenta hahán produtu lokál no Gastronomia Munisípiu Lautém nian, ne’ebé atraitvu tebes ba vizitante sira husi nasionál no Internasionál sira antuziasmu hodi koko hahán produtu lokál sira mak hanesan, “Nutritivu Proteina” Nan Karau, Ikan Nila, Boek, Susu Ben Karau Timur, Man tolun Timor, Manu Lokál, Koto Mean, Koto Moruk, Fore Rai no Meci, “Nutritivu Karbohidratu” Batar, Fos Rai, Talas, Batar Kay Rala (Sorgum), Fehuk, Ai Farina, Hudi Fatuk, Aidila Fuan, Aidila Tahan, Aidila Funan, Marungi, Lakero, “Nutriente” Husi Tasak, Sabraga, Aidila Tasak, Sirsak, Pateca, Jamboa, Pipino, Derok no Tomate.
Aleinde ne’e mós STAN no Feira fatin husi Autoridade Munisipál Lautém nian, atraitivu tebes husi membru Governu sira, vizitante sira v nasionál no Internasionál sira, tanba iha STAN no Feira fatin ne’e ekipa sira prepara MAPA Timor-Leste, no Uma Adat Lê Jiaval hanesan símbolu Kultura ba Timor-Leste nian, nune’e mós hakarak tebes hodi hasai fotografia nune’e mós tama ba laran hodi hare fotografia no Video sira ne’ebé ekipa sira prepara.
Entertantu : Iha okaziaun iha loron 15 to’o 20 fulan Maiu, sei hala’o “Espozisaun Dezenvolvimentu Governasaun Lokál” iha Portu Dili, no sei ensera iha loron 20 de Maio, tuku 6 lokraik depois arear Bandeira nasionál
Jornalista : Ever
