Lospalos rcl vp 25-06-2025=Ministériu Negósiu Estranjeiru no Kooperasaun (MNEK), liu husi Diresaun Jerál Asuntu ASEAN servisu hamutuk ho Ministériu Administrasaun Estatal (MAE) halao sosializasaun kona-ba kampaña nasionál ho tema “𝐃𝐀𝐋𝐀𝐍 𝐁𝐀 𝐀𝐒𝐄𝐀𝐍” atu oinsa oinsá Timor-Leste bele adere ba ASEAN hodi bele hetan nia benefísiu, nune’e mós Timor-Leste bele kontribui hodi sai membru ASEAN iha futuru, iha Salaun Administrasaun Autoridade Munisipál Lautém.
Prezidente Autoridade Munisipál Lautém, Melio de Jesus hateten, Liu husi desiminasaun kona-ba Kampañia Nasionál Dalan ba ASEAN, ne’e partisipante sira tenke husu no hato’o preokupasaun no sujestaun, nune’e ekipa sira bele esplika detallu liu, ba asuntu Ekonómiku, Seguransa no Sosiu Kultural.
‘’ Liu husi desiminasaun kona-ba Kampañia Nasionál Dalan ba ASEAN, ne’e tanba kampaña nasionál ne’ebé planeia no programa husi Ministériu Negósiu Estranjeiru no Kooperasaun (MNEK) servisu hamutuk ho Ministériu Administrasaun Estatal (MAE) atu nune partisipante sira, tenke tuir sosializasaun ida ne’e ho didi’ak, ne’ebé ekipa MNEK sira sei aprezenta, ho nune’e ekipa refere sei aprezenta iha aspetu Tolu mak hanesan Ekonómiku, Seguransa no Sosiu Kultural,tamba ne’e partisipante sira tenke husu no hato’o preokupasaun no sujestaun, nune’e ekipa sira bele esplika detallu liu, ba asuntu Ekonómiku, Seguransa no Sosiu Kultural.’’hateten Prezidente Autoridade Munisipál Lautém, Melio de Jesus 24/06/2025
Iha fatin hanesan, reprezentante Diretor Jerál Asuntu ASEAN iha MNEK, Sidonio Martins mos hatutan, objetivu ba sosializasaun kona-ba Kampaña Nasionál “𝐃𝐚𝐥𝐚𝐧 𝐛𝐚 𝐀𝐒𝐄𝐀𝐍” ida ne’e oinsá Povu iha Timor laran tomak presiza atu hatene kona-ba saida mak ASEAN, no benefísiu saida mak ASEAN sei lori mai iha Timor-Leste no saida mak Timor-Leste bele kontribui ba ASEAN bainhira adere ba ASEAN, no atu atualiza servisu Governu nian, relasiona ho progresu Implementasaun roteiru ASEAN nian, ne’ebé adaptadór iha tinan 2023 nian.
‘’ objetivu ba sosializasaun kona-ba Kampaña Nasionál “𝐃𝐚𝐥𝐚𝐧 𝐛𝐚 𝐀𝐒𝐄𝐀𝐍” ida ne’e oinsá Povu iha timor laran tomak presiza atu hatene kona-ba saida mak ASEAN, benefísiu saida mak ASEAN sei lori mai iha Timor-Leste no saida mak Timor-Leste bele kontribui ba ASEAN bainhira adere ba ASEAN, no atu atualiza servisu Governu nian, relasiona ho progresu Implementasaun roteiru ASEAN nian, ne’ebé adaptadór iha tinan 2023,tamba Kampaña Nasionál kona-ba ASEAN ho tema “Dalan ba ASEAN” ne’e hanesan programa nasionál ida ne’ebé lansa ona husi Governu Timor-Leste iha fulan Marsu liu ba tinan ida ne’e.dehan reprezentante Diretor Jerál Asuntu ASEAN iha MNEK, Sidonio Martins.’’
Entretantu: Sosializasaun ne’e hahu hala’o lansamentu iha fulan Marsu iha Ministériu Negósiu Estranjeiru no Kooperassaun (MNEK), husi Vise-Primeiro Ministro, Ministro Koordenador Asuntu Ekonómikus no Ministro Turismu no Ambiente, nian iha nasaun timor Leste.
Jornalista:sili
Editor:EL
