Lospalos rcl vp 03-07-2025=Relasiona ho Asidente Trafiku nebe Akontese iha suku Serelau iha Loron tersa feira ne’e no kareta ho marka toyota ho sapa matrikula 206-77 husi diresaun lospalos dili, no kareta marka mitsubisi ho sapa matrikula 125-80 husi diresaun dili lospalos, soke malu iha area buihomau suku serelau postu administrativu lautem, munisipiu lautem, rezulta ema nain 1 lakon vida no nain 5 seluk kanek todan.
Komandante PNTL Munispiu Lautem Superintendente Polisia João da Costa hateten, kronologia husi asidente ne’e motorista husi kareta toyota hilux diresaun lospalos dili konsumu tua hodi halo Viagen ba dili no la kontrola an hodi halai ho velosidade nebe makas hodi soke malu ho kereta marka mitsubisi husi diresaun dili lospalos hodi rezulta ema nain ida lakon vida no nain 5 seluk kanek todan.
‘’ Kronologia husi Asindente horseik ne’e akontese iha suku Serelau Postu Administrativu Lautem iha tuku 3 lokraik,no kareta toyota husi Diresaun Lautem ba dili , no kareta mistubisi husi dili mai lospalos. mai to’o iha area refere no kareta rua ne’e soke malu iha Suku Serelau Postu Administrativo Lautem Munisipio Lautem , no ami Parte polisia deskobre katak, kareta husi Lautem halai ho Velosidade makas depois lanu halai ses husi estrada ba fali diresaun dili mai lospalos nia dalan entaun, husi dili mai atu hakat halai tuir nia dalan nia halai lansadu taka ema nia dalan entaun raut malu ho ema husi dili mai .”hateten Komandante PNTL Munispiu Lautem Superintendente Polisia João da Costa 02/07/2025.’’
Komandante PNTL ne’e mos esplika, kareta husi diresaun lospalos dili iha ema nain 2 no husi dili mai lospalos iha ema nain 4,no depois de akontesementu ne’e Parte Polisia ba fatin akontesimentu halo identifikasaun no lori ema sira nebe kanek ba hospital Lautem no ida la konseqe salva too iss kotu.
‘’ kareta husi diresaun lospalos dili iha ema nain 2 no husi dili mai lospalos iha ema nain 4,no depois de akontesementu ne’e ami Parte Polisia ba fatin akontesimentu halo identifikasaun no lori ema sira nebe kanek ba hospital Lautem no ida la konseqe salva too iss kotu, no kontinua desloka ba vitima sira nebe kanek todan ba iha hospital referal Baucau.dehan Komandante PNTL Munispiu Lautem Superintendente Polisia João da Costa
Entretantu :dadaun nee kareta rua sei iha hela fatin akontesimentu ho kondisaun grave no parte PNTL Munisipiu Lautem hasees ona husi Estrada nune movimentasaun la’o Normal.
Jornalista:verru
Editor:El
