Lospalos rcl vp 23-07-2025=Assosiasaun Futebol Distrito Lautem ka AFDL ho ekipa hala’o Jogu Copa Juvenil ne’ebé finansia husi Federasaun FIFA ho Asian Football Confederation (AFC) ne’ebé husi Federasaun Futebol Timor-Leste (FFTL) liu husi Assosiasaun Futebol Distritu Lautém (AFDL) hodi Organiza Jogu Copa Juvenil 2025 nian, ne’ebé sei iha selesaun husi Treinadór sira hodi prepara ba jogu kompetisaun ba iha Rejiaun Baucau, Vikeke no Manatuto, nune’e kontinua jogu kompetisaun iha Nasionál no, Atividade Jogu Juvinil ne’e hala’o iha Kampu Lulira.
Prezidente Autoridade Munisipál Lautém interinu, Tiborsio dos Santos hateten, Jogu ida ne’e importante tebes ba foin sa’e sira, nune’e foin sa’e sira tenki aproveita oportunidade ida ne’e ho didi’ak, hodi bele hatudu talentu liu husi jogu ida ne’e ho kualidade.
‘’ Jogu ida ne’e importante tebes ba foin sa’e sira, nune’e aproveita oportunidade ida ne’e ho didi’ak, tanba liu husi desportu ba Timor-Leste nia naran hodi hamorin iha mundu internasionál, no jogu ida ne’e mós motiva ba foin sa’e sira oinsá bele hatudu ita boot sira nia talentu liu husi jogu ida ne’e ho kualidade,tamba ne’e hau husu nafatin ba ba jogadór sira, durante iha joga laran, labele hanoin mak kria problema, maibé jogu nia konsekuénsia maka tenke ain kona malu, maibé ain kona malu labele tau kestaun hodi kria fali konflitu hodi hafo’er fali jogu ida ne’e, tanba Campion ida ne’e foin implementa fila fali, no tenke hatudu nafatin komportamentu nebe di’ak atu nune’e iha futuru bele eleva ita boot sira nia jogu ba iha rejionál no nasionál nian,no jogadór feto no mane sira, nebe iha talentu bele hatudu ita boot sira nia jogu ida ne’e liu husi Fotibool, nune’e tenke tuir nafatin regra joga nian, tanba eventu ida ne’e foin organiza filafali iha Munisípiu Lautém, nune’e presiza kria amizade ba jerasaun foun sira, ne’ebé iha interese hodi envolve iha jogu ida ne’e iha futuru.’’hateten Prezidente Autoridade Munisipál Lautém interinu, Tiborsio dos Santos 21/07/2025
Prezidente AFDL Munisípiu Lautém Fransisco Filipe dias Quintas mos hateten, Jogu Juvinil ida ne’e implemta iha tinan, tanba jogu ida ne’e mos presiza halo ninia relatóriu hodi submete ba iha FIFA no AFC atu nune’e tinan oin kontinua no tau nia orsamentu hodi hala’o actividade ba jogu ida ne’e,ba oin.
‘’ Jogu Juvinil ida ne’e tinan barak nunka implementa, maibé konsege implementa jogu ida ne’e, tanba jogu ida ne’e FIFA investe hela ba atividade jogu ida ne’e, no atividade jogu ida ne’e mos presiza halo ninia relatóriu ba federasaun hodi submete ba iha FIFA no AFC atu nune’e tinan oin kontinua no tau nia orsamentu hodi hala’o actividade ba jogu ida ne’e,ba oin,no Jogu desportiva ida ne’e hala’o iha territóriu timor laran tomak mak hala’o ba jogu desportiva ida ne’e, nune’e mós jogu ida ne’e sei hala’o selesaun ba 15-17 no Feto 17 Feto 15 maka sei hala’o selesaun, hodi prepara ba iha rejiaun Baucau, Vikeke no Manatuto, bainhira ba jogu iha rejiaun mak hetan primeiru lugár sei ba joga iha nasionál no ba territóriu Munisípiu, ne’ebé planu husi FIFA no AFC nian, enkuantu jogu ida ne’e Mane Sub 17 hamutuk 10, 15 Mane hamutuk 8, Feto 17 hamutuk 4 no 15 hamutuk 4 ba jogu Juvenil,dehan Prezidente AFDL Munisípiu Lautém Fransisco Filipe dias Quintas.’’
Entertantu:Asosiasaun Futebol Distritu Lautém (AFDL) agradese ba Prezidente Autoridade Munisipál Lautém, ne’ebé oferese rai Kampu iha parte Ira-Ara ba Assosiasaun Futebol Distritu Lautém (AFDL) hodi hala’o konstrusaun foun ba stadium futsal estandar Internasionál ne’ebé fundus mai husi Asian Football Confederation .
Jornalista;sida
Editor;El
